Hikai ka CBI ïa ki ophisar ban tohkit kam bamsap bad ki aiñ jong ka

0

Shillong, Naiwieng 15: Ka tnad tohkit ïa ki kam bamsap bad kumno ban knieh noh ïa ki jingdon jingkem ka Central Bureau of Investigation (CBI) jong ka sorkar pdeng ka la ai jinghikai shitaïew lynter ïa ki ophisar na ki 16 tylli ki ri ka pyrthei ban tohkit ha ki kam bamsap bad ban shim ïa ki jingdon jingem haba la lap ba la tei ïa ki na ka jingbamsap.
Ki 24 ngut ki ophisar kiba la wan ban shah hikai ki long na ka ri Botswana, ar ngut na Lebanon, Mali, Mauritius, Nigeria, Tanzania and Zimbabwe bad u wei u wei na Ethiopia, Ghana, Iraq, Madagascar, Maldives, Myanmar, Namibia, Panama and Paraguay.
Ha kane ka kynhun la kynthup 11 ngut ki kynthei bad 13 ngut ki shynrang baroh kine ki ophisar ki dei na ka tnad Law Enforcement bad Investigation field. Ha kane ka shitaïew la hikai ïa ki shaphang ki aiñ kiba ïadei bad kane ka kam tohkit ïa ki kam bamsap. Ha kane ka shitaïew la ïalam ïa ki ban peit ïa ka jaka treikam jong ka CBI ha Delhi bad ha kajuh ka por la ïalam ïa ki, ki jaka sahnam ha ki kot History kiba don sawdong ka nongbah Delhi bad ki kyntoit ki jaka kane ka nongbah.

Leave A Reply

Your email address will not be published.