Sam tin sop ïing u MLA sha ki 427 tylli ki longïing, Pyllait Paidbah ia 3 tylli ki kali AGEY

Mairang, Naiwieng 12: U MLA jong ka Mariang Konstitwensi u bah Metbah Lyngdoh mynta ka sngi ula sam ïa ki tin sop ïing sha ki 427 tylli ki longïing na ki shnong bapher bapher kiba hap hapoh ka Mairang Konstitwensi, ha ka juh ka por, u la pyllait Paidbah ruh ïa ki Lai tylli ki kali lyngba ka AGEY jong ka NRLM kaba la ai sha ki CLF bad ki riewshimet kiba la jied kyrpang da ki CLF.Ïa kane ka jingsam la pynlong ha phyllaw ka Ophis u BDO Mairang Block haka jingiadonlang ruh u BDO ka Mairang Block u bah A.Lyngdoh, u JRDO u bah J.Lyngwa, nangta ki nongialam shnong ki Nongtrei ka Ophis BDO bad ki Paidbah kiba dei ban ioh bynta na kane ka skhim.
U bah Metbah haba kren ha kane ka jingialang Lyngkot ula Pynpaw ba dang ha ki khyndiat bnai ba la dep, la pynlong ïa ka jingsam ïa ki tin sop ïing sha ki 200 tam ki longïing, bad mynta ka sngi la lah ban sam sha ki 427 tylli ki longïing na ka CM housing Program Assistance Scheme jong u snem 2025-26 bad 2026-27.
Ula Pynpaw ba kane kadei ka hok jong ki nongshong shnong ka Konstitwensi ban ioh ïa kine ki jingiarap kaba la buh bad mang kyrpang la ka long na ka Sorkar kmie, ka Sorkar jylla, ne na u MLA.U la bynrap “kino kino ki jingiarap kaba ki ioh na ka sorkar la ka long ha kano ka bynta kim dei ban khein kaba ioh ei namar kane ka mynsiem kaba sngew ba ioh ei ka long kaba haram, ngi donkam ban long borabor kiba sngewnguh bad u kyrmen kine kiba ioh pdiang kan long ka jingmyntoi ïaki bad u kyntu ban pyndonkam hok ïaki.