Ha ka jingrakhe dap 60 snem rai ka HSPDP ban pynïeng u mot shirynïeng jong u Bah Hoping Stone

Shillong, Naiwieng 10: Ka Hills State People Democratic Party ka la pynlong ïa ka jingïalang paidbah ne ka General Council ban jied ïa ki nongkitkam ba thymmai na ka bynta ka samoi treikam ha ki lai snem ki ban sa wan.
Ha kane ka jingïalang ka Party ka la jied biang ïa u Bah Plasting K. Pangniang kum u President, u Bah Shangkliar Roy Warjri MLA kum u Working President, u Bah Methadious Dkhar kum u Chief Organiser, u Bah Sraly Rashir MDC kum u Vice- President, u Bah Waiting Mawsor Ex MLA kum u Treasurer Bah Panborlang Ryntathiang kum u General Secretary u Bah Nolip Lyngdoh bad u Bah Starfing Pdahkasiej kum ki Joint Secretary.
Ha kane ka jingïalang ka Party ka la ïakren ban rakhe ïa ka jingdap 60 snem ka party ka ban sa long ha ka 10 tarik u Naiwieng, 2027 dei ha kum kane ka sngi ba la seng ïa ka party HSPDP da u nongïalam u Bah Hopingstone Lyngdoh bam kwai ha dwar u blei, ban pynsahnam ka party kan sa pynïeng ïa u dur mot ba shi rynïeng jong u Bah Hoping ha ophis ka party.
U President ka seng haba kren ha ki lad pathai khubor u la ong ba kum ka party ka la ïakynduh ïa shibun ki jingeh hynrei wat hapdeng kine ki jingeh kam shym la randien na ki nongrim kumba la seng ïa ka bad na ka liang ka party kan dang ïai trei shitom ban pynkhlaiñ shuh shuh ha ki sngi bad ki snem ki ban nang wan.