Shillong, Naiwieng 6: Ka sorkar Meghalaya ka la thung ïa u Nongbishar jong ka High Court u Justice Wanlura Diengdoh kum u President jong ka Meghalaya State Consumer Disputes Redressal Commission.
Katkum ka jingpynbna ba la pynmih da ka Food, Civil Supplies and Consumer Affairs Department ha ka 4 tarik u Niwieng 2026, la ong ba ïa kane ka kam la thung da u Lat ka jylla katkum ka kyndon 42(3)(a) jong ka Consumer Protection Act, 2019.
U Justice Diengdoh un bat ïa katei ka kam na ka bynta saw snem lane haduh ba un da dap 67 snem ka rta, kano kaba kham kloi.Ka por jong u kan sdang naduh ka tarik ba u shimti ia ka kam.
Ka tulop bad ki jingsiew jong u kan long katkum ka Rule 4 jong ka Meghalaya State Consumer Protection Rules, 2021.
Ïa katei ka jingpynbna ne ka notification, kaba don ia u number NO.SUP.24/2021/Pt-I/10, la pynmih da u P. Bakshi, IAS, Commissioner bad Secretary jong ka sorkar Meghalaya, ka tnad Food, Civil Supplies and Consumer Affairs.
