Shillong, Naiwieng 6 : U Bah Prestone Tynsong uba dei u Symbud Myntri Rangbah ba khmih ïa ka tnad kam Pohiing (Police) ha ka sngi Thohdieng, ula kdat sharud ïa ka jingiakhih ka JAC pyrshah pyrshah ïa ka Shillong Ropeway Project da kaba ong ba ka Sorkar kala dep ban kren shai ïa ka nongrim jong ka.
Haba kylli halor ka jingdawa ban pyndam ïa ka project bad ban rah noh sha kiwei ki jaka, u Bah Prestone ula pynpaw ba um don eiei shuh ban bynrap ïa kane.
“Ngam don eiei shuh ban ong namar hynnin ka sngi, u Myntri ka Tnad Tourism ula dep batai ïa baroh kiei kiei halor ka jingshna ïa ka ropeway lane cable car” ula ong.
U ïathuh ba ka Sorkar ka ïeng skhem bad kaei kaba la kren kham shuwa namar ïa ka survey bad ki jingwad bniah lah dep ban leh.
“Ngi na ka liang ka sngi ngi la dep batai.Wat ki stad ki jhad jong ki tnad bapher bapher kila leh ïa ka survey bad jingwad bniah, kumta ngi ieng skhem bad kaei kaba la dep kren hynnin ka sngi” ong u Bah Prestone.
