Shillong, Naiwieng 6: Ka Garo Hills Youth Solidarity (GHYS) ka la kynnoh ba ki don ki jingleh torti ha ka skhim sam umdih jong ka Greater Baghmara kaba hap hapoh ka Jal Jeevan Mission bad la ong ba ki la ujor sha ka tnad Directorate of Enforcement, Shillong.
U President u Endick Marak ryngkat bad u social activist u Mingran T. Sangma, ki la dawa ïa ka projek kaba T.63.50 klur ban pynthymmai ïa ki pipe PHE sha ka thaiñ Baghmara Municipal bad 16 tylli ki shnong ka dang sahkut wat la sei pisa, katkum ki kot ki sla RTI ba la kdew da ki.
Ka seng ka la wad jingtohkit halor ka jingkynnoh ba kam iahap hapdeng ka jingpynlut ba la pyntip bad ka jingshisha kaba paw ha madan.
