Jowai, Nailar 01 : Ka lympung ïalehkai phutbol Independence Day Cup Under-17 Football Tournament 2022 ba la pynïaid da ka West Jaiñtia District Sports Association Jowai mynta ka sngi ha madan Kiang Nangbah Stadium, Jowai.
Haba phai sha ka jingïakhun ba nyngkong ka kynhun ïalehkai jong ka Saiñdur Mihmyntdu kala lah ban pynliem da 3-0 ïa ka Panaliar. Ïa kitei ki kol la thep da u Dayoophioo Lyngdoh ha ka minit ba 3, u Nangkhroo Lyngdoh ha ka minit ba 56 bad u Lakhon Phawa ha ka minit ba 60.
Ha ka jingïakhun kaba ar kila poi sha ka jingïakhiad da 0-0 hapdeng Nangbah Mulang pyrshah ïa ka Lumiawmuchai Shangpung.
Katba ha ka jingïakhun ba lai hapdeng ka Moosalyngkat pyrshah ïa ka Lion Sports and Youth affairs kila ïakhaid da mar shikol 1-1. Ïa ka kol naka Lion Sports and Youth Affairs la thep da u Kitbok Challam ha ka minit ba 27, katba na ka Moosalyngkat la thep da u Teibok Papang ha ka minit ba 45.
