Jowai, Risaw 28: Ki resol jong ki jingïalehkai phutbol jong ka lympung ‘Hajan Shylla Memorial Football League 2026’ kaba dei ka kyrdan ‘First Division’ bad ka kyrdan ‘Super Division’ kaba la tip kum ka ‘Kesilroy Memorial Football League 2026’ ba la long hynne ka sngi Balang, 28 tarik u Risaw 2026, bala pynïaid daka Thadlaskeiñ Sport Association (TSA) ha madan Wahiajer Multi Sports Complex Stadium.
Haba phai sha ka jingïakhun ba nyngkong jong ka ‘1st Division’ ka kynhun ïalehkai jong ka Tyrshang SC kala jop da 1-0 kol ïaka Ummulong SC, ïa katei ka shikol naka Tyrshang SC la thep da u Kamni Challam haka minit ba 61.
Katba haka jingïakhun ba ar jong ka (Super Division) ka kynhun ïalehkai jong ka Mukhla Raij kala jop da 4-0 kol ïaka Wahiajer SC, ïa ki kol naka Mukhla Raij la thep da u Nathaniel Kharbangar haka minit ba 44, 66 & 86 bad u Cludio Nongpluh haka minit ba 90+4.
La pyntip ka jingïakhun lashai ka sngi haka 29.10.2026 haka kyrdab ‘1st Division’ kan long hapdeng ka Niriang SC pyrshah ïaka Umjlasiaw haka por 11 baje mynstep. Katba haka kyrdan ‘Super Division’ haka por 2 baje shiteng nohphai sngi ka Mookyndur SC pyrshah ïaka Nongkhroh Rim.
