Pynbha shuh shuh ka sorkar ïa ka Cenotaph kaba don harud jong ka surok Babupara, Tura

Shillong, Risaw 25: Ka sorkar Meghalaya ka la shna pynbha shuh shuh ïa ka “Cenotaph” kaba don ha bynta ba sharun jong ka jong ka Babupara hapoh ka sor Tura ba da kane ka jingtrei ka dang ïaid shakhmat.
Ïa u ne u mot la teinam ban kynmaw burom ïa ki riew rangbah ka jaidbynriew Garo kiba la leit sha ri France ban long ki nongkit nongrah ban ïarap ïa ki shipai ha ka thma bah kaba nyngkong bad wan phai ha ka 16 tarik u Naitung, 1918 ha kaba la pdiang burom ïa ki da ki paidbah ka Garo Hills.
Ïa kane ka sngi burom “Garo Labour Corps Day” la rakhe ha ka 16 tarik u Naitung jong man la u snem bad mynta u snem ka la kot sha ka 108 snem ba kum ka jaidbynriew Garo ka la pyndon burom ïa ki riew rangbah kiba la wan phai biang na ka thma.
Ha ka por ba buh ïa u mawnongrim ha u snem 2025 ban shna pynbha ïa kane ka jaka u myntri ba dei peit ïa ka tnad sam um ula kren shai ba ha u maw mot ba kin shna thymmai ym thoh ïa ki kyrteng jong baroh kito ki Garo Labour Corps kynthup ruh ïa kito kiba khlem don kyrteng mynshuwa.
Kane ka jingshna ïa u dur mot ka dang ïaid mynta ha Babupara kaba don harud surok bad ïa u mot barim la ieh kumto khlem da pynpra bad la ïathuh ba katei ka jingtei ka dang ïaid bad shen ym sa lah ban pyndep noh ïa ka jingtei ïa utei u mot ba la angnud da ki paid Garo baroh.