New Delhi, Risaw 25: Ka kynhun tohkit jong ka Central Bureau of Investigation (CBI) ka la ïoh ban kem ïa u Satyendra Kumar u ba kila kwah ban kem ha kaba ïa dei bad ka mukotduma Fodder Scam.
Ka CBI ka la dep ban ai ïa ki jingleh jingkam pyrshah ïa u Satyendra Kumar ha u snem 2001 hynrei u ne u briew u la phet rieh noh bad ka la shim por ïa ka kynhun tohkit ba kan lap ïa u ha dien 25 snem bad ka jingbym wan hajir ka pynlong ïa ka kynhun tohkit ban kem ïa u kat na ba ki lap.
Halor ka jingpyndonkam ïa ki kor ki bor katkum kane ka juk kaba mynta ryngkat ka kynhun syntiat ka CBI ka la shem ïa ka jaka sah jong u ha ka ri Nepal bad dang shen u la wan rung sha India da kaba wan ha Guna ka jylla Madhya Pradesh bad nangtei u kiew sha Lucknow da ka rel ha ka 22/10/2026.
Mar ïa ïoh ïa kane ka jingtip ka kynhun CBI ka la phah ïa ki briew ha station rel ha Lucknow bad mar ïa poi kila kem ïa u bad ïa u la rah sha Ranchi bad ïa u kin sa rah sha ïingbishar ban bishar ha kaba ïadei bad kane ka kam kynnoh bamsap.
