Jowai, Risaw 13: Da ka jingbthah jong ka ophis Jaiñtia Hills Autonomous District Council (JHADC) Political Department, ki Dkhot jong ka Elaka Rymbai, kila lah ban pyndep mynta ka sngi 13/10/2026 ban jied ïa u Waheh Shnong bathymmai, ki Nongkitkam bad ki Dkhot bathymmai jong ka Executive Body jong ka Shnong Bataw, East Jaiñtia Hills District.
Ïa ka jingïalang Dorbar la pynïaid da u Merimon Rymbai (Vice Chairman Elaka Rymbai) bad ha kane ka jingïajied, u Paitbah jong ka Dorbar da kawei ka sur kila ïa monjur da kaba ïa rah kti lang baroh ban jied biang ïa u ma Deihok Sumer ban long kum u Waheh Shnong bathymmai na ka bynta ka term 2026-2029 (3) snem. La jied ïa u ma Martin Lyngdoh kum u Asst. Waheh Shnong, ma Nehlang Suchiang kum u Secretary Shnong, ma Bhalang Suchiang kum Asst Secretary, ma Seiborlang Rupsi kum u Finance Secretary, ma Macdonal Suchiang kum u Office Secretary.
Ka dorbar kala jied ruh ïa ki Executive Members kiba kynthup ïa u Bilis Pyrtuh, u Dahun Pyrtuh, u Arwan Lakhi, u Hajarkhamkor Dome, u Ejoplang Suchen, u Teimon Palong, u Waster Sympli, u Niwanpoi Suchiang, u Willing Sumer, u Shewanki Sumer, u Jowel Lyngdoh, u Tamon Sumer, u Johnris Lyngdoh, u Mastu Nongwa, u Shemi Rupsi, u Sngewhame Sumer, u Rimiyoo Lamare, u Ampli Rupsi, u Omega Sumer, ka Magreshia Sumer, ka Pari Pajat, ka Hameda Suchiang bad ka Arkini Suchen. Ïa ki Auditors la jied ïa u Teimon Syad bad ma Dreamson Suchiang bad ïa u Chairman ka Dorbar Shnong la jied ïa u Skem Sumer.
U Waheh Shnong bathymmai ma Deihok Sumer, ula ai ka jingkren lyngkot da kaba ai khublei ïa ki paitbah nongshong shnong kiba la ai biang ka jingshaniah ha u ban kit ban bah ïa ka khia ka shon jong ka shnong ha kaba na ka liang jong u ruh ula buh thong ban ai shuh shuh ka jingshakri kaba kham bha bad ban wanrah ïa ka roi ka par na ka bynta ka bha ka miat jong ka shnong, la pynkut ka kyrwoh na ka Shnong Bataw.
