Jowai, Risaw 13: U District Election Officer jong ka West Jaiñtia Hills District ula pyntip bala sdang ïa ka ‘special camps’ ban pynthikna ba ym don uwei ruh u nongthep vote ban lait na ka Electoral Rolls.
Shi bynta jong ka prokram ‘special camps’ la leit pynlong ha baroh ki 325 Polling Station kiba don hapoh ka District, haka juh ka por kum ki nongthep vote ki don ka hok ban pynbeit ïa ki jingujor ne jingbym ïahap jong ki hapoh ka thup kyrteng jong ka Electoral Rolls.
U District Election Officer ula kyntu ïa kino kino kiba kwah ban ujor ïa ki jingpynbeit hapoh ka electoral roll, kin leit mih sha ki Booth Level Officer (BLOs), ki Assistant Electoral Registration Officers (AEROs) & Electoral Registration Officers (EROs) na ka bynta ki jingïarap ba donkam.
Shuh shuh u District Election Officer ula pynsngew naka liang ki bor synshar District kila ïakhun katba lah bad pyntikna baroh ki nongthep vote ki dei ban khynthup beit hapoh ka electoral rolls bad ym don kawei ruh ka vote kaba shah kyntait.
