Bun kiba pep skul noh shiteng por namar ka jingrem palat ka bai ïing bad ka bai kali ha ka thaiñ: JNC

Jowai, Risaw 13: Ka Jaiñtia National Council (JNC) Western Zone mynta ka ngi hapoh ka jinglam khmat u President samla Hamehi Bamon bad u Vice President samla Chitandonki Sutnga ki la leit mih sha u Principal ka Kiang Nangbah Govt College ban ïakren ïaki jingeh kiba bun jong ki khynnah pule kiba la ud sha ka Seng.
Ka seng da ka jingsngewkhia ka la leit mih sha ka ofice treikam u Principal jong ka Kiang Nangbah Govt College bad ka la ïoh ban ïakren bad ban pynsngew ïaka jingdawa ka seng, ka seng ka la da ai ruh ryngkat bad ka dor khat ha kaba ïadei bad ka jingdawa ban pdiang shuh shuh ïaki khynnah pule ha kane ka College kiba donkam ban sah Hostel nangne shakhmat, namar ba kum ki jingeh ba la ud da ki ba bun ki khun ba duh ba duk kaba sngewsih kiba bun ki khynnah ki la hap ban pep ban leit klass shiteng naka daw ba rem dor ka bai ïing wai kumjuh ba kim kot bor ban siew bai kali ban ïabeh na shnong naka ta kadaw kaba la pynlong ïa ki khynnah ban sangeh noh ban leit klas.
Ka seng ka la kyrpad ïa u Principal jong kane ka College u Sir H. Toi ban pynurlong katba kloi ïa kine ki jingdawa seng, na ka liang jong u u la jubab ba katkum ba long mynta ka hostel jong ka College haka jingshisha ka capacity jong ka Girls Hostel ka dei tang 50 ngut hi tangba la pynrung jubor beit haduh 80 ngut bad ha kane ka rukom long overload haka jingshisha ar ngut shi kamra hynrei ki la hap ban pynrung jubor haduh lai ngut shi kamra bad ha kane ka rukom ïaka Boys Hostel ruh la leh kumjuh.
Ka seng lyngba ka jingthoh sha u Principal ka College ka la ai copy ruh sha u local MLA, ma Wailadmiki Shylla kumjuh sha u ma Lahkmen Rymbui Education Minister, jong ka sorkar jylla, ban dawa pynheh ïa kane ka Hostel khnang ba yn lah ban pdiang bun ngut ki khynnah ki ban sah kumjuh la dawa naka sorkar ban pynheh ïaki klass room bad pynjanai bad pynbha ïa kiba jot bapei.
Ha kaba ïadei bad ka ne u Principal u la kular ban ïakren bad ki bor kiba hajrong ha kaba ïadei bad kine ki jingdawa jong ka seng. Ka Seng lyngba u President u Hamehi Bamon ka la pynkut da kaba u ong ba tang kane hi kawei ka College Sorkar kaba ri ba kdup, kaba pynstad ïaki khun ki raiot jong ka ri Jaiñtia ba ieid jong ngi kumta ngi donkam bha ban ïaleh ban pynheh, pynjanai pynbha ïaka, namar kane ka college ka long ka stieh jong kiba duh ba rangli.
Ka seng ka kyrmen skhem ba ka sorkar kan pyndep mardor ïaka kamram khlem da kheiñ sting ïa kaei ba ka seng kala dawa, khnang ba yn duna ki samla pule kiba pep klas ha shiteng por, lyngba ka jing shimkhia ka Sorkar kumjuh ki nong pynïaid ïa kane ka College kan long ka jingkyrkhu ïa ki khynnah pule, khnang ba ka pule puthi kan kiew irat hapoh ka Ri lum Jaiñtia bad ka Jylla hi baroh kawei.