Tyrsad, Risaw 04: Ka Tyrsad Area Sports Association (TASA) hynnin ka 3 tarik u Risaw, 2026 ka la ïoh ban sdang bad plie pyrda ïa ka 2nd Division Football League 2026, ha kaba ka jingïalehkai sdang ka long hapdeng ka Mawsawrit Sports Club bad ka Nongmadan Sports Club ha madan Tyrsad, East Khasi Hills District.
Ha kane ka jingïalehkai, ka Mawsawrit SC ka la pyni ïa ka jingïalehkai kaba biangbor bha da kaba ka lah ban pynliem ïa ka Nongmadan SC da 3–0 kol.
Ïa ki lai tylli ki kol jong ka Mawsawrit SC la thep da u Mewan Umdor ha ka minit kaba 41, u Rilangstar Umdor ha ka minit kaba 71 bad u Balkistar Umdor ha ka minit kaba 88. Ïa ka nam kum u ‘rangïalehkai ba tbit la rah da u Mewan Umdor.
Ha kane ka sngi, Bah Wellbirth Rani u la long u Kongsan, katba u Bah Auspicious Lyngdoh u la long u Kongsan Symbud ryngkat kajingsakhi lang jong ki paidbah nongkyrshan jong ki ar tylli ki kynhun.
