Shillong, Nailur 25: U Myntri ba dei peit ïa ka tnad pynneh pynsah riti dustur u bah Sanbor Shullai mynta ka sngi u la plie ïa ka Shillong Book Fair kaba lai kaba la pynlong da ka National Book Trust ha State Central Library Shillong bad kane ka ïew die kot kan kut ha ka 1/Risaw/2026.
Haba kren hadien ba la dep ban plie u la ong ba ha kane ka ïew die kot, ki don ki kot kiba la wan rah na kylleng ka Ri India ban die ha kane ka jaka hapoh ka jingprat lynti u myntri rangbah duh jong ka Ri India u Narendra Modi ba ki paidbah kin ïoh ban wan thied.
U myntri ka tnad pynneh pynsah riti u la ong ba ka khubor kaba u kwah ban phah sha ki paidbah ka long ba nalor ki kot pule na ka bynta ki khynnah skul haduh Kolej, ki don ki kot ba khuid ba u juh don por ban pule ha kaba u shong ha poh eroplane haba u leit jingleit bad ka jinghikai baroh na ki kot jong ki niam bapher bapher hynrei ia ki baroh la thaw tang u wei bad uta dei u blei.
Dei na kane ka daw ba u myntri rangbah duh jong ka Ri India, u Narendra Modi katkum ka Riti Synshar ka Ri India bad kata ka jinghikai ka long ba kam don kano kano ka jingïashah niam kane ka dei ka khubor kaba phah katkum ka riti synshar jong ka Ri ym ka jingiashun para briew.
