SHILLONG, Nailur 23: Ka Nongkrem SC bad ka Laitkyrhong SC ki la ïasam mar shi point naba ïakhaid khlem kol (0-0) hynne ka sngi Balang ha ka jingïakhun jong ka Group A ha ka lympung First Division Football league 2026 jong ka Shillong Sports Association, ha SSA Stadium Polo.
Da kane ka jingïakhaid ka Nongkrem ka dang bteng ban lamkhmat ha khlieh duh jong ka Group da 4 point hadien ar tylli ki jingïakhun, katba ka Laitkyrhong ka la ïakhaid ar sien lynter ha baroh ar ki jingïalehkai ba sdang.
Ka jingïalehkai SSA 1st Division 2026 ha kane ka sngi Palei (24.09.2026) kan long hapdeng ka Mawtawar SC pyrshah ïa ka Nongthymmai SC ha ka Group A. Kane ka jingïakhun kan long ha ka por 12:15 baje mynsngi ha SSA Stadium.
