Jowai, Nailur 23: Ka Lad Mukhla, ka Moobakhon Tyllilang bad ka Thadmynri ki la jop ïa la ki jong ki jingïalehkai ha ka lympung phutbol (L) Joybell Suiam Memorial Football League 2026 jong ka kyrdan Second Division bala pynïaid da ka Thadlaskieñ Sport Association, ba la long hynne ka sngi Balang (23 tarik u Nailur, 2026) ha madan Wahiajer Multi Sports Complex Stadium.
Ka Lad Mukhla kala pynliem da tang 1-0 kol ïa ka Maskut ha ka jingïalehkai ba nyngkong, bad ïa kane ka namtam la thep da u Stopper Bang (32’).
Nangta ka jingïakhun kaba ar, ka Moobakhon Tyllilang kala pynjemkhnap da 6-0 kol ïaka Niriang pdienlum. Ka Moobakhon Tyllilang ka la thep ïa kine ki kol lyngba u Wanchwa Shylla haka minit ba 20, u Saryo Ramut haka minit ba 24, u Sanbor Ramut haka minit ba 42, u Finely Ramut haka minit ba 49 & 56. Ka la don ruh ka kol ba la kum bakla thep hi da u Wis Suting (own goal) haka minit ba 65 jong ka kylla miet.
Khatduh haka jingïakhun kaba lai, ka Thadmynri kala jop da 1-0 kol ïaka Madansynrang, ïa katei ka shikol na ka Thadmynri la thep da u Holichon Muruh haka minit ba 60.
La pyntip ka jingïakhun ha kane ka sngi Palei (24/09/2026) ki long: Por 10 baje mynstep ka Nartiang Mainroad pyrshah ïaka Iawthymblien; Por 12 baje mynsngi ka Kdiap Rising Sun pyrshah ïaka Modymmai; bad ha ka por 2 baje janmiet ka Maitchaphrang pyrshah ïaka Madur.
