Shillong, Nailur 23: Ka Tusame N Marak ka la khur sa kawei ka takma ha ka lympung 37th East Zone Junior Athletics Championship 2026 ha Patna hynne ka sngi Balang.
Kane ka takma ka la wan hadien ba ka la pyndep kyrdan ba lai ha ka ïakop kawang sum jong ki kynthei ba hapoh 18 snem (U-18 women’s javelin). Ka Tusame ka la lah ban kawang ha ka jingjngai kaba 32.78 mitar ban wan ha ka kyrdan ba lai.
Shuwa kane, ka Tusame N Marak ka la jop takma ksiar na ka bynta ka jylla ha ka U-18 women’s high jump,
Kane ka lympung kaba lai sngi kan kut mynta ka sngi Palei, bad ka Meghalaya Athletics Association ka la phah ïa ka kynhun kaba don 29 ngut ki nongïalehkai ryngkat bad saw ngut ki official ban ïashim bynta.
