Jowai, Nailur 17: Ha Amlarem Sub-Division ïaka Block-Level Chief Minister Youth Engagement Program (CMYEP) 2026, la pynkut ha kane ka 17 tarik Nailur, 2026 ha ka ryngkat ka jingsam ïa ki khusnam sha ki nongjop bala pynlong ha ophis jong ka Block Development Officer, Amlarem Community & Rural Development (C&RD) Block.
Ha kane ka prokram la lum lang ïa ki samla pule ka thaiñ na ki skul bad ki kolej kiba don ha kylleng ki jaka jong ka Amlarem ha kaba ki samla kila ïoh lad ban pyni ïa ki sap ki phong jong ki lyngba ki jingïakob tynrai, ki jingïalehkai sports, One Act Play, Guitar, Group Folk Dance, Group Folk Song, Quiz, Declamation, Story Writing, Poetry Writing, dro dur, ïatan tyllai bad kiwei de.
Na ka liang u myntri ka tnad pule puthi ka sorkar jylla bad u MLA ka thaiñ u ma Lahkmen Rymbui, ula wan ban pynhap kum u kongsan, haka jingdonlang ka kong Vevotolu Kezo, (IAS), Sub-Divisional Officer (Civil), Amlarem, Dr. D. Lyngdoh, Block Development Officer (BDO), Amlarem C&RD Block, ki ophisar na ki tnad treikam bapher bapher, ki nonghikai bad ki nongmihkhmat na ki skul bad ki kolej kila wan ban ïashim bynta lang.
Naka bynta ki nongjop ha ka Block-Level CMYEP 2026 hapoh ka Amlarem C&RD Block ki long kumne haka One Act Play la jop da ka Sohkha Govt. Higher Secondary School wan ba ar ka Laishnong Higher Secondary School, haka Guitar la jop da ka Koinonia Lamin, Laishnong Higher Secondary School wan ba ar ka Wellbirthstar Dkhar, Sohkha Govt. Higher Secondary School. Haka Group Folk Dance la jop da ka Sohkha Govt. Higher Secondary School wan ba ar ka Nongtalang College.
Haka Group Folk Song la jop da ka Sohkha Govt. Higher Secondary School wan ba ar ka Laishnong Higher Secondary School. Haka Quiz la jop da ka Riwar Jaiñtia Church of God Higher Secondary School wan ba ar ka Amwi Higher Secondary School, haka Declamation la jop daka Nafeza Wega Buam naka Syiem Jingsuk Higher Secondary School wan ba ar Romuo Siangshai naka Sohkha Govt. Higher Secondary School.
Haka Story Writing la jop da Dathrang-I Khongjiong, ka Syiem Jingsuk Higher Secondary School wan ba ar Pynyolad Surong naka Ri-war Jaintia College. Haka Poetry Writing la jop da Helcy Pohdweng, Laishnong Higher Secondary School wan ba ar Arkman Manar, Nongtalang Govt. Higher Secondary School.
Haka Painting la jop da Paiabaskhem Tingper, Nongtalang Govt. Higher Secondary School wan ba ar Namrhen Mukhim, Padu Higher Secondary School. Haka Tug of War – Boys la jop daka Nongtalang College wan ba ar ka Riwar Jaiñtia Church of God Higher Secondary School, katba haka Tug of War – Girls la jop da ka Ri-war Jaiñtia College wan ba ar ka Syiem Jingsuk Higher Secondary School.
Ïa kane ka Block-Level Chief Minister Youth Engagement Program la pynlong kumjuh ha Namdong Block bad ha Thadlaskeiñ Block.
