Maham khnang tala ka HPYF ïa ka Laskeiñ C&RD Block, bymïaid beit ki skhim Sorkar Pdeng

Jowai, Nailur 16: Ka Hynñiewtrep People Youth Front (HPYF) Central Body kala maham ban khang tala shi siendon ïa ka Laskeiñ C&RD Block, namar baroh shi katta ïa ki Central Scheme kim juh long kiba ïait beit, la kynnoh ka seng.
Ka seng ka pynpaw ka jingsngew lyngngoh haba don ki katto katne ki Gramsivika kiba leh khlieh shrieh da kaba ki wad daw ïa ki nong ïoh ïa ka skim PMAY kin hap ai Pisa shwa ban ïoh Work Order, don ruh kiba ai ha u Secretary Shnong na u Secretary hap ai sha ïa u Gramsivika.
Ka Hynñiewtrep People Youth Front Central Body, ka la maham ban khnang tala ïa ka Laskeiñ C&RD Block namar babun ki Central Scheme kum ka PM Kisaan, MGNREGA 100 sngi, bat haduh mynta la kylla sha VB-G RAM G 125 sngi, na ka liang ka seng ka kyrpad ïa u BDO Laskeiñ C&RD Block ba ki dei ban shimkhia, khnang ka jingmyntoi jong ki longïing ba hap hapoh ka BPL.
Shuh shuh na ka liang ka seng HPYF Central Body ka kyntu jur ïaki nongleh Audit Report hapoh Laskeiñ C&RD Block, 125 sngi ba kin dei ban heh tang ka phah dur ïaki Chairman Secretary VEC, ka seng kan nym ai lad ïaki ban long suri kupsnieh, kumta ka la mahan ban khnang tala shi syndon khnang ba kan ym long ka jingshah tim ïa u paitbah. Kane ka long katkum ka kyrwoh na u Bah E.L. Syiem Sutnga President ka seng.