Jowai, Nailur 14: Ka East Jaiñtia Hills District Football Association (EJHDFA) hynne ka sngi Nyngkong (14 tarik Nailur, 2026), ka la ïoh ba kan jam shakhmat ïa ka lympung phutbol bala tip kum ka Thomas Nongtdu Memorial Trophy, ha ka kyrdan First Division League 2026 ha Artificial Diengshynrum, Khliehriat.
Ïa kane ka lympung la wan plie pyrda ïa ka da kiba ha ïing ha sem u (L) Thomas Nongtdu ba la lamkhmat da ka kong Santa Mary Shylla kaba dei ka MLA jong ka 5-Sutnga Saipung Constituency, ha ryngkat ka jingïadonlang ka kong Violet Lyngdoh (MDC 2 Rymbai Constituency), ma Krison Langstang (MDC Jalaphet Bri-Sumer Constituency), Dr. Phervision Nongtdu, ma Hambertus Nongtdu (MDC Sutnga Nongkhlieh Constituency), ki Rangbah Shnong jong ka thaiñ East Jaiñtia, ki nongkitkam bad ki dkhots jong ka EJHDFA nalor kiwei de.
La plie pyrda ïa ka jingïalehkai ba nyngkong hynne ka sngi da ka jingïakhun hapdeng ka Khliehriat East YWSC pyrshah ïa ka Musniang SC, ha kaba ka Khliehriat East ka la mad ïa ka jingjop da 1-0 kol. bad ïa kane ka kol la thep da u Kyntulang Nongwar (75’).
