Ryngkat ka jingphuh jingphieng rakhe ka SSKNPMSU 6th Annual Youth Freshes Meet 2026

Mawkyrwat, ‘Nailur 13: Ka Synjuk Samla Katholik Nativity Parish Mawkyrwat Shillong Unit (SSKNPMSU) pka la rakhe ïa ka 6th Annual Youth Freshes Meet ha ka 12 bad 13 tarik ha Shillong, East Khasi Hills District.
La sdang ïa kane ka jinglehkmen da ki jingïalehkai bapher bapher ha Don Bosco Stadium jong ka St. Anthony’s Higher Secondary School, Shillong ha kaba u Samla Rangbah u Bah Welborn Snaitang u la wan ban plie paidbah ha ka jingïadon lang u Speritual Director ka Synjuk, u Fr. Aiborlang Nongsiej, u Fr. Donbor Jyrwa bad ki nongïalam jong ka Synjuk kiba la wan ban sakhi lang ïa kane ka sngi. Ha kane ka sngi ki samla ki la ïashimbynta ha bun ki jingïalehkai kum ka kynjatbol, Mawpoiñ, tong pisa bad kiwei kiwei.
Nangta, ha ka 13 tarik la sdang ïa kane ka sngi da ka Mass Bakhuid ha kaba u Parish Priest ka Parish Nativity Parish Mawkyrwat, u Fr. Alphonse Wahlang ula pynbynta ka ïa Mass Bakhuid ha ka jingdonlang u Fr. Aiborlang Nongsiej.
Haba pharia ïa ka ktien U Blei, u Fr. Alphonse Wahlang u la pynpaw ïa ka jingdonkam jong ka jingïamap mar kylliang. “Kum ki briew ki don ha ka jingbakla hynrei lada ngi phai sha U Blei bad pan map ïa ki jingbakla U Blei U map”, ong u Fr. Wahlang. Ha ka juh ka por u la kyntu ruh ïa ki samla ka Balang ban wan shakhmat ban pyni ïa ka nuksa kaba na ka bynta kiwei ki para samla. U la kyntu ïa ki samla ban shim ïa ka sakrament kyntiew kurim bad ban kiar na kaba pynlut pisa ha ba ïathoh shong kurim.
Shuh shuh la pynshngaiñ shuh shuh ïa kane ka sngi da ki program kiba pher bapher ha ka nohphai sngi, ha kaba la ïa don bynta lang ha kane ka sngi da u Bah Renikton Lyngdoh Tongkhar, MLA ka Mawkyrwat, u bah Carnes Sohshang MDC barim ka Mawkyrwat, u Bah Herman Kharlyngdoh bad kiwei kiwei ki riew Rangbah.
Haba kren ha kane ka sngi na ka liang u Bah Renikton Lyngdoh Tongkhar u la ai khublei kyrpang ki samla ba ki la khot ïa u ban don bynta lang ha kane ka sngi. Ula ong la ki don hangno hangno ki dei ka jingshai jong ka lawei, long ka nuksa kaba ïa ki para marjan.”Ngi sngew sarong ban tip ba ki samla jong ngi ki dei ka jingshai jong kiwei”, ong u bah Renikton.
Namarkata, u don ka jingkyrmen ba napdeng jong ki samla kin mih ïa ki Nonghikai ha ki kolej ki skul kiba pher bapher, don na phi ki ban long ki Ophisar ha ki ophis ki bapher bapher.
Ym tangkata, u la ban ruh ba ki long ki samla kiba donbok ba ki don ïa ki nongïalam kiba lum ban pynithuh ithaw lyngba kane ka jingïakynduh lang, bun na ki kiba ym ju ïa kynduh mynno mynno hynrei mynta ki la ïa ithuh para dong para thaiñ, namar lyngba kane kin ïoh ban ïarap iwei ïa iwei pat ha kino kino ki jingdonkam ka jong ki.Ula pynkut ïa ka jingkren da kaba ong, “To long ka jingshai, ka mluh jong ka pyrthei”.
Na ka liang u Bah Carnes Sohshang haba kren ha kane ka sngi u la ong kane ka sngi ka dei ka daw bah ba ngi ïa lum hangne mynta. U la ong shuh shuh ba u don ei ei ban kren namar ka sneng ka kyntu kaba baroh ki ka ïakren ka la biang, hynrei tang kawei khun samla ka thma kaba don ha khmat jong ki ka bun bha, ki wan na nongkyndong, haba ki ïohi ïa ki khun jong kiba don ba em ki don ka jingsngew ha lade.
“Ha ka jingim ngi ngi ïa kynduh bun ki jingeh, ki khun samla kiba wan ban trei shane ban pyndap pynbiang ïa ka ïing ka sem, ki jingeh ki don hynrei jied ïa kata ka thong kaba ki don ban poi, ynnai peit ïa ki jingeh ha ka mon ha ka diang, hynrei buh ïa ka thong ha ka pule puthi kaba phi pule”, ai mynsiem u bah Carness.