Khliehriat nailur 9: Ka ophis jong ka District Sports Officer (DSO), East Jaiñtia Hills District ha ryngkat ka jingiatreilang bad ka ophis jong u Block Development Officer, Lumshnong C&RD Block, mynta ka sngi ka la pynkut ïa ka prokram jong ka Second Block Level Chief Minister’s Youth Engagement Programme (CM-YEP) 2026 ha Lumshnong bad yn sa nang ïai bteng shuh shuh sa sha kiwei kiwei ki jaka kiba kum ha Dkhiah West Community Hall bad ha Latyrke Community Hall.
Kane ka Second Block Level Chief Minister’s Youth Engagement Programme (CM-YEP) 2026, ka don ka phang pdeng kaba ïadei bad ki samla ka “Young Meghalaya, Shaping Tomorrow” bad kane ka prokram ka don ka jingthmu ban pynlong ïa kane ka prokram kum ka rynsan ha kaba ki khun samla ki lah ban pynpaw pyrthei ïala ki jong ki sap ki phong ba ki don bad ruh kadei kata ka rynsan ka ban kyntiew ruh ïa ki sap ki phong, ka long ruh kum ka lad ha kaba ki samla ki ioh ban ïashimbynta ha ki bynta bapher bapher, ban kyntiew ïa kano kano ka kynhun, ban pynioh ïa ka jingsngew skhem bad ruh ban kyntiew ïa ka jinglong nongïalam.
Ha kine ki ar sngi ba la pynlong ha Lumshnong, ka tnat District Sport jong ka East Jaiñtia Hills District ka la pynlong ïa ki jingiakop bapher bapher ba kynthup ka One Act Play, Guitar Playing (Solo), Declamation, Quiz, Tug of War, Painting, ki jingshad tynrai , ki jingiakop rwai tynrai, la pynlong ruh ïa ka, Science Mela, ïa jingiakop thoh Poetry,thoh jingiathuhkhana bad ka jingpyni halor rynsan ïa ki sap ki phong bapher bapher.
Ha kaba ïadei bad ka jingiakop tem Guitar (Solo), u samla Rikutjingmut Surong uba pule ha Narpuh Modern Secondary School, u la rah ïa ka nam lahduh ha ka kyrdan kaba nyngkong, u samla Kevin Anderson Lyngdoh ba pule ha Devine Word Secondary School, Lumshnong u la long ba ar bad u Ailadlang Massar ba na shnong Pyrtakuna u la long ba lai.
Ha ka jingiakop kren hakhmat ki paidbah lane ka Declamation, ka samla Baleisha Dkhar kaba pule ha Devine Word Secondary School, Lumshnong ka la rah ïa ka nam lahduh ha ka kyrdan kaba nyngkong, ka Hashwaki o Patlong ba pule ha Star Public School, Lumshnong u la long ba ar bad ka samla Jessica Zote kaba na shnong Khaddum ka la long ba lai.
Ha ka Quiz Competition, ka kynhun ba na Star Public School, Lumshnong, ka la ioh ba nyngkong, ka kynhun ba na ka Jingiaseng Samla KJP Synod Mihngi Secondary School, Thangskai ka la wan ba ar bad ka khun kaba na Devine Word Secondary School, Lumshnong ka la long ba lai.
Ha ka jingiakop tan tyllai kane ka Tug of War kaba na ka kynhun jong ki khynnah shynrang, ka Jingiaseng Samla KJP Synod Mihngi Secondary School, Thangskai ka la rah ïa nam jop ha ka kyrdan ba nyngkong katba ka skul Devine Word Secondary School, Lumshnong bad ka Star Public School, Lumshnong ki la long ba ar. Ha ka kynhun jong ki khynnah khynnah kynthei pat ka Star Public School ka la ioh ba nyngkong bud pat sa ka Divine Word Secondary School kaba long ba ar.
Ha ka jingiakop airong lane In Painting Competetion, u Wownisoki Bareh bad ka Ibashisha Pohthmi kiba na ka Star Public School, Lumshnong ki la long banyngkong, ka Alice L Riengsete kaba na Khaddum ka la wan ba ar.
Ha ka jingshad tynrai, ka Star public School ka la long ba nyngkong, ka Divine Word Secondary School, Lumshnong, ka long ba ar bad ka Jingiaseng samla KJP Synod Mihngi Secondary School, Thangskai, ka long ba lai, ha ka jingiakop rwai tynrai lane ka Folk Song competition, ka Divine Word Secondary School ka long ba nyngkong bad ha ka One Act Play competition ka Star Public school, Lumshnong ka rah ïa ka nam lahduh.
Ha ka Science Exhibition, ka kynhun jong ka Khaddum Hmar Students Association ka la rah ïa ka nam lahduh, ha ka jingiakop thoh Poetry pat ka samla Ibashisha Pohthmi kaba na Star Public School ka la long banyngkong, u Hospi Rupsi ba pule ha Jingiaseng samla KJP synod mihngi Secondary School, u la long ba ar bad ka Jessica L Zote kaba na Khaddum Hmar Students Association,ka la long ba lai.
Ha ka jingiakop thoh jingiathuhkhana lane ka Story Writing, u Tremiki Swer ba pule ha Star Public secondary school, Lumshnong u la long ba nyngkong, ka Iaineh Syndai ba pule ha Divine Word Secondary School, Lumshnong, ka la long ba ar bad u samla Thomas Challam ba pule ha Star public secondary school, Lumshnong u la long ba lai.
Ha ka iakop put beseli lane ka Flute comnpition, u Rikutjingmut Surong ba pule ha Narpuh modern secondary school u la long ba nyngkong, u samla Ailadlang Massar na shnong Pyrtakuna u la long ba ar.
Ha ka Talent show (solo), ka Mary Nunthangmawikaba na shnong Khaddum ka la ioh rah ïa ka nam lahduh bad u Wanshwa Pohshna na shnong Umkiang u la long ba ar bad ka Nancyka Dkhar ba na Divine Word Secondary School ka la long ba lai.
Kitei kiba jop ha ki jingiakop bapher bapher ba la kdew haneng ki la rah ïa ka prize jong ki da ka pisa, ha kaba ha ka thup Solo lane solo category kiba long ba nyngkong ki ioh T3,000 tyngka, kiba long ba ar ki ioh T2,000 hajar tyngka bad kiba long ba lai ki ioh T1,000 hajar tyngka bad kito kiba ha ka thup ba dei da ka khynhun pat kiba long ba nyngkong ki ioh T5,000 hajar tyngka, kiba long ba ar ki ioh T3,000 hajar tyngka bad kiba long ba lai ki ioh T2,000 hajar tyngka.
Kiba la ïa don ryngkat ha kane ka sngi ki kynthup ka District Sports Officer (DSO), East Jaiñtia Hills District, ka kong S.M Rapsang, u Principal jong ka Star Public school, Lumshnong, u Dr D Kumar, u Pricipal jong ka Devine word Secondary School, Lumshnong, Fr. C Marinda, ka Principal jong ka KJP Synod Mihngi Secondary School, Thangskai, ka kong M. Syih, ki nongtrei kiba na ka tnat sports, ki nonghikai bad ki khynnah skul.
