Nongpoh, Nailar 10: Ki Pulit ka Ri-Bhoi kila lap ïa ka metiap jong uwei u rangbah briew na surok Umtyrnga-Barapathar bad hadien bala pyndep katkum ki kyndon aiñ la rah noh sha jaka buh metiap ha Nongpoh Civil Hospital.
Katkum ka kyrwoh naka Superintendent of Police ka Ri-Bhoi la pyntip ba haka 8 tarik Nailur 2026 ki pulit kila ioh jingtip ba la don uwei u briew ba thiah iap ha katei ka jaka bad mar mar kila leit ban pynlong ka jingtohkit bad ym don satia ba ithuh ïa utei u briew bad hadien bala pyndep katkum ki kyndon jong ka aiñ la rah bad pynkit noh ïaka met sha Nongpoh Civil Hospital naka bynta ban leh ïaka Post Mortem.
Utei u briew bala antad haka rta kumba 55 snem bad u phong ruh ka patlun rong blue bad ka sopti thoh ronglieh bad blue bad kino kino kiba don jingtip shaphang jong u kin phone sha Police Control Room (PCR) Nongpoh ha u number 6909300160.
