Jah klep ki Delineator kiba dei ban don ha surok Shillong sha Nongstoiñ, ujor ka HYC

Shillong, Nailur 09: Ka seng Hynñiewtrep Youth Council (HYC) ka shnat Sohiong ka la leit ban ujor sha u Chief Engineer ka National Highway ba ki Delineator kiba dei ban don ha surok Shillong sha Nongstoiñ kim don shuh, ha ki bynta na Sadew sha Mawmaram.
Haba kren ha ki lad pathai khubor hadien ka jingïakynduh ïa u Chief Engineer u Bah Purningstar Shabong President ka HYC ka shnat Sohiong u la ong ba na ka liang jong u Chief Engineer ka National Highway u la ïathuh ba kin sa khot tender noh ban buh ïa ki Delineator.
Ka tnad shna surok ka la buh ïa kine ki Delineator ha u snem 2024 hynrei tang hapoh shitaïew la weng noh ïa ki kum ka seng ka sngewlyngoh namar kam pat juh jia ba ïa kano kano ka jingtrei jong ka sorkar hapoh shitaïew pat yn weng noh, kum seng ka mut da don ka jingshna bakla hynrei haduh mynta la shu ieh kumto.
Dei halor kane ka kum ka seng mynta kam banse ban wan ai da ka jingthoh sha ka ophis Chief Engineer ka National Night way bad ka jingtip kaba ki ïoh ka long ba ka jingjah jong ki Delineator dei na ka jingpynher sted ki kali bad ka jingtyngkhuh kali bad kane ka la pynlyngoh ïa ka seng.
Katkum ka jingmang pisa ban shna ïa kine ki Delineator ka long T.19/- lak tyngka hynrei kaba lyngngoh ka long ba ïa ki kot ki sla la ai tang kawei bad kaba la pyntrei kam long tang T.10 lak tyngka ka seng kan bud dien ïa kane ka kam.