Shillong, Nailar 28 : Haduh 149 tylli ki longïing ki la shah ktah ha ka khlam sniang African Swine fever (ASF) hapoh ka Jylla ha ki hynriew bnai bala leit, pyntip u Myntri ka Tnad Animal Husbandry and Veterinary Bah Sanbor Shullai ha ïing Dorbar Thaw Aiñ ha ka sngi Thohdieng.
Ha ka jubab da ka jingthoh ïa ka jingkylli u MLA ka Mawphlang, u Bah Sanbor ula ïathuh ba 1834 tylli ki sniang ki la iap namar ka ASF kaba la lynshop ha ki 82 tylli ki jaka bad kumba 20 tylli ki block ha kylleng ka Jylla ha kine ki hynriew bnai.
