Ka Resolution halor u Uranium kam dei ban pynkylla khongpong ong u nongïalam barim ka KSU

Shillong, Nailar 26: Ka Khasi Student Union hadien ka jingshimti ïa ka kynhun ba thymmai hapoh ka jingïalam u Samla Raymond Kharjana kum u President ba thymmai kila pynpaw ka jingpyrshah ha ka sorkar lada ki khlong ïa u Uranium hapoh ka jylla.
Na ka liang u President barim jong ka KSU u Bah Lambokstar Marngar haba kren sha ki lad pathai khubor u la ong ba ka KSU hapoh ka jingialam u samla Raymond kawei ka jingdawa kila buh ha khmat ka sorkar kadei halor u Uranium.
“Lada ka sorkar ka ïeng halor ka nongrim jong u paidbah ban pyrshah ïa ka jingtih Uranium kadei ban leh da ka kam da kaba wanrah ïa ka Resolution hapoh ka ïing dorbar thaw aiñ bad mynta ka sngi ngi la ïa sakhi ïa kane mynta ka sngi” ong u Bah Lambok.
Shuh shuh u Bah Lambok u la ong, Ngi la ïohi mynne ba jan baroh ki dkhot kila ïa shim bynta bad ngi iohi ba ki don lang kajuh ka nongrim ban pdiang ïa ka resolution bad don tang kawei ka jingngeit ba ïa kaei ba la rai haoh ïing dorbar thaw aiñ ki mih na ka sur u paidbah.
“Nga ngeit ba kane ka rai kam dei ban pynkylla kongpong ne pynkylla hadien habud” u la ong.