Sam ka KSU ïa ki kot lyngkdop ha Mawkyrwat, Ranikor, Pongkung, Mawsynram bad kiwei pat ki jaka

Mawkyrwat, ‘Nailar 25 : Ka Khasi Students’ Union (KSU), South West Khasi Hills District Unit, hynin ka sngi ka la pynlong ïa ka jingsam ïa ki kot lyngkdop (pamphlets) ha ki jaka bapher bapher kiba hap hapoh ka jylli treikam jong ka seng, kum ha Mawkyrwat, Ranikor, Pongkung, Mawsynram bad ha kiwei pat ki jaka.
Ka jingpynsam ïa kine ki kot lyngkdop ka long shi bynta na ki kam jong ka jingpynshai paidbah jong ka seng, da kaba ai jingtip bad pynsngewthuh ïa ki paidbah halor ki mat bapher bapher kiba ktah ïa ka imlang sahlang, ka pule puthi, ka hok bad ka bha ka miat jong ki samla bad ki paidbah ka thaiñ.
Ka KSU South West Khasi Hills District ka la pynpaw ruh ba lyngba kum kine ki lad pynsngewthuh, ka seng kan dang bteng ban poi sha ki paidbah ha ki shnong bad ki jaka bapher bapher hapoh ka South West Khasi Hills District, khnang ban pynkhlaiñ ïa ka jingïatreilang bad ka jingïashim bynta jong ki paidbah ha ki mat kiba donkam ïa ka imlang sahlang.
Ka seng ka kyntu ïa ki paidbah, khamtam ïa ki samla, ban pule bad sngewthuh ïa ki jingtip kiba don ha kine ki kot lyngkdop bad ban ïatreilang ha kaba pynneh ïa ka bha ka miat, ka hok bad ka roi ka par jong ka thaiñ.