Nongpoh, Nailar 24: Kum shibynta ban pynshlur ïaki paidbah ban leh ïa u Aadhaar naka bynta ka jingmyntoi bad ban ioh ruh ki skhim sorkar, ka sorkar kala buh ïaka thong ban pynshlur ïaki paidbah ban leh Aadhaar ka ban sdang naduh ka 24 tarik Nailar 2026.
Halor kane la kyrpad ïa baroh ki tnad sorkar, ki BDO, ki Self Help Group, ki nongïalam shnong, ki VECs bad kiwei kiwei ba kin ai ka jingïatreilang naka bynta kane ka thong khamtam ban pynshai sha ki padibah halor ka jingdonkam u Aadhaar naka bynta ban ioh ïaki skhim sorkar, ban buh ki jaka ba kyrpang ban leh ïa u Aadhaar haki shnong bad ban shim kyrpang ïaki briew kiba la kham noh ka rta, kiba duna haki dkhot met ban rung ruh sha ki iing briew haki shnong kiba kyndong khnang ba baroh kin nym shah kyntaid ha kaba ïadei bad ka jingdon ïa u Aadhaar bad ruh ban ioh ïaki skhim sorkar.
