Da ka 8th Annual Swimming Competition 2026 pynlong ka SWKHD Swimming Association ha Phot Um-New, Mawkyrwat

Mawkyrwat, Nailar 24: Ka South West Khasi Hills District Swimming Association (SWKHDSA), ha ka jingïatreilang bad ka ophis jong ka Deputy Commissioner, South West Khasi Hills District, bad lyngba ka jingkyrshan jong ka ophis jong u District Sports Officer, South West Khasi Hills District, ka la pynlong ïa ka jingïakop jngi-um kaba la tip kum ka 8th Annual Swimming Competition 2026 ha Phot Um-New, Mawkyrwat.
Ka jingpynlong ïa kane ka long da ka jingthmu ban kyntiew ïa ka jingïalehkai jngi-um kum kawei na ki jingïalehkai sports, bad ban pynshlur ïa ki samla kiba don sap ha ka jngi-um ba kin nang pynroi ïa ka sap, ka jingshaniah ha lade bad ka mynsiem jingïakhun. Ha kane ka jingïakhun, ki nongjngi um na ki kyrdan bad ki rta bad ha ki bynta bapher bapher ki la wan shim bynta da ka jingsngewshit rhem, da kaba pyni ïa ka sap bad ka jingkut jingmut jong ki.
Ha kane ka jingïakhun la pynlong ïa ki jingïakob jngi-um bapher bapher, kynthup ïa ka Freestyle, Breaststroke, Butterfly, Individual Medley bad Relay, na ka bynta ki khynnah shynrang bad kynthei ha la ki kyrdan bapher bapher, kynthup ïa ki Junior bad Senior Category ha kaba ka kong A.L. Mawlong, IAS, Deputy Commissioner, South West Khasi Hills District, ka la long kum ka kongsan, ha ryngkat ka jindonlang u bah L.G.M. Kharmih, Additional Deputy Commissioner, South West Khasi Hills District, u bah H.S. Diengdoh, President jong ka South West Khasi Hills District Swimming Association, ki nongkitkam jong ka Meghalaya Swimming Association, bad na ka South West Khasi Hills District Swimming Association lem bad ki nongwan peit kai na kylleng ki shnong.
Ha ka jingïakop jngi-um, ki nongjop ha ki kyrdan bapher-bapher ki long: Ha ka Senior Women 50m Breaststroke, ka nongjop ka dei ka Evanjoplyne Langte. Ha ka 50m Freestyle Junior Boys-I, u nongjop u dei u Robertson Ryntathiang, katba ha ka Junior Boys-II 50m Breaststroke u nongjop u dei u Batehsonglang Sangma. Ha ka Junior Boys-III, u nongjop u dei u Mebanskhem Ryntathiang. Ha ka liang ki kynthei, ka Ridondor Lyngdoh ka jop ha ka Junior Girls-I Breaststroke, katba ka Nafibanpynshai Ryntathiang ka jop ha ka Junior Girls-II Breaststroke.
Ha ka Men’s Freestyle Relay, ki nongjop ki long u Wanshwa Thongni Khar, u Lamshwa Lyngkhoi, u Robertson Ryntathiang bad u Alvision Shylla. Ha ka Women’s Freestyle Relay, ki nongjop ki long ka Dalaakor Wanniang, ka Nafibanpynshai Ryntathiang, ka Banrikynti Nongbsaw bad ka Evanjoplyne Langte. Ha ka Mixed Relay, ki nongjop ki long ka Ridondor Lyngdoh, ka Dalaakor Wanniang, u Wanshwa Thongni Khar bad u Robertson Ryntathiang.
Ha kiwei pat ki jingïakop, u Mewanaibor B. Sangma u jop ha ka Men’s 50m Breaststroke Junior-II, katba ka Nafibanpynshai Ryntathiang ka jop ha ka Women’s 50m Freestyle Junior-II. Ha ka Men’s 50m Butterfly Junior-I, u nongjop u dei u Khrawkupar Syiemlieh, katba ha ka Women’s Individual Medley ka nongjop ka dei ka Dalaakor Wanniang. Ha ka Men’s 50m Breaststroke, u nongjop u dei u Mebanshan Nongsiej, bad ha ka Women’s 50m Butterfly, ka nongjop ka dei ka Dalaakor Wanniang.
Shuh shuh, ha ka Senior Men’s 50m Freestyle, u nongjop u dei u Robertson Ryntathiang, katba ha ka Senior Women’s 50m Freestyle ka nongjop ka dei ka Ridondor Lyngdoh. Ha ka Junior 100m, u nongjop u dei u Kerry Wahlang. Ha ka Junior-I Girls 50m Freestyle, ka nongjop ka dei ka Ridondor Lyngdoh, bad ha ka Junior-I Boys 50m Freestyle, u nongjop u dei u Piusstar Lyngkhoi.
Ha ka Junior-II Boys 50m Freestyle, u nongjop u dei u Mebanaibor B. Sangma. Ha ka Junior-I Women’s 50m Breaststroke, ka nongjop ka dei ka Philahunshisha Shylla, katba ha ka Junior-I Men’s 100m Breaststroke, u nongjop u dei u Kerry Wahlang. Ha ka Senior Women’s 50m Breaststroke, ka nongjop ka dei ka Philapynhunshisha Shylla.
Ha ka Men’s 50m Freestyle, u nongjop u dei u Teinamristar Shangdiar, katba ha ka Senior Women’s 50m Breaststroke, ka nongjop ka dei ka Ridondor Lyngdoh. Ha ka Senior Men’s 100m Breaststroke, u nongjop u dei u Hilary Wahlang. Ha ka Women’s Junior-II 50m Breaststroke, ka nongjop ka dei ka Dalaakor Wanniang.
Ha kaba kut, ka Ridondor Lyngdoh ka la jop ha ka Women’s Junior-I 50m Breaststroke, u Robertson Ryntathiang u la jop ha ka Men’s Junior-I 50m Freestyle, ka Dalaakor Wanniang ka la jop ha ka Women’s Junior-II 50m Breaststroke, katba u Baiaineh Ryntathiang u la jop ha ka Men’s Junior-III 50m Breaststroke.
Ïa baroh ki nongjop ha kane ka jingïakop jngi-um la sam ïa ki da ki khusnam ryngkat ki syrnod.