Jowai, Naitung 25: Ka jingïalehkai phutbol ‘5th Debo Shullai Memorial Trophy’ 2nd Division Football League Cum Knockout Tournament-2022 bala pynïaid da ka West Jaiñtia District Sports Association (WJDSA) kaba la long mynta ka sngi ha madan Kiang Nangbah Stadium Jowai.
Ha ka jingïakhun ka Panaliar kala lah ban pynliem syndon da 3-0 kol ïa ka Lumpyrtuh Mihmyntdu bad ïa kitei ki lai kol la thep marwei da u rang ïalehkai ka Panaliar u Dari Thma kata ar kol ha ka kylla step ha ka minit ba 7 bad 28, katba ïa ka shikol ha ka jingïakhun jong ka kylla miet ula thep ha ka minit ba 77.
