Shillong, Naitung 23 : Ka Recruiting Office (Headquarters), Shillong kan pynlong ïa ka Army Agniveer Recruitment Rally na ka bynta ki kyrtong kiba la shah jied na baroh ki distrik jong ka Meghalaya ha 58 Gorkha Training Centre, Happy Valley, Shillong, naduh ka 22 haduh ka 25 tarik Nailar, 2026.
Ïa kane ka lympung ïakhun kam yn pynlong na ka bynta ki kyrtong kiba la shah jied ha ki bynta bapher bapher kynthup ïa ka Agniveer General Duty, Agniveer Technician, Agniveer Tradesmen (10th Pass) bad Agniveer Tradesmen (8th Pass).
Ki bor pynïaid ki la bthah ïa baroh ki kyrtong kiba la shah jied ba kin poi ha 58 Gorkha Training Centre, Happy Valley, Shillong ha ka por 3:30 mynstep, katkum ka tarik ba la kdew ha ki Admit Card jong ki. Ki kyrtong ki dei ban rah lang ïa ka Admit Card bad baroh ki kot ki sla ba donkam da ka original, katkum ba la bthah ha ka Rally Notification.
Ka lympung ïakhun kam na ka bynta ki Agniveer (Clerk/SKT) jong u snem 2027 na ka bynta ka jylla Meghalaya, yn pynlong ha kawei pat ka sngi ha Army Ground hajan Panjabari Gate, Narangi Cantonment, Guwahati, Assam, naduh ka 6 haduh ka 8 tarik Nailar, 2026.
Ki bor pynïaid ki la pyntip ba la dep phah e-mail sha baroh ki kyrtong kiba la shah jied ban pyntip ïa ka prokram jong ka rally. Kito kiba khlem pat ïoh ïa ka Admit Card lane kim lah ban download ïa ka, ki lah ban leit sha ka Recruiting Office, Shillong ban ïoh ïa ka.
Na ka bynta kino kino ki jingkylli, ki kyrtong ki lah ban phone sha ka Recruiting Office, Shillong ha u nombor 0364-2504177 lane phah e-mail sha rohqshillong@gmail.com.
