Jowai, Naitung 23: Ka Jaiñtia Fishing & Environment Protection Association (JFEPA), kawei na ki seng ha nongbah Jowai kaba peit ïa ka bha ka miat jong ka Myntdu bad ïa ki doh um ba don ha ka wah, haka jingïalang jong ka Association kaba la long haka janmiet jong 21.07.26 ha ïing Dorbar Hall jongka Shnong Tpep Pale Jowai, ka la pynthymmai biang ïaki nongkit kam ki jong ka, kiba dei na ka bynta u snem 2026 haduh u snem 2028.
Ka seng ha kajuh ka por, ka ban jur ïa baroh ki nongkhwai dohkha ba kin wan shakhmat na ka bynta ban register ïa ka kyrteng jong ki hapoh jong ka Association khnang ba ka Association kan nangkhlaiñ ka jingtrei kam ka jong ka bad ka nangiar bad nangkhlaiñ shuh shuh na kawei kapor sha kawei pat ha ka jingïadei bad ka jingïada ïa ka wah bad ki doh um doh wah kiba don ha ka wah Myntdu kumjuh ruh sha kiwei de ki wah.
Ki nongkit kam ba thymmai jong ka JFEPA na ka bynta u snem 2026-28, ki kynthup ïa u President ma D. H. Pde, Vice President ma Wanlambok Rymbai, General Secretary ma M Challam, Assistant General Secretary Dawan Pyrbot, Auditor Convener Kitbok Passah, Auditor member Ram Ryngkhlem bad V.E Pohleng ryngkat bad ki 17 (Khad hynñiew) ngut ki Executive Member.
