Shillong, Naitung 19: U Rangbah shnong ka shnong Mawlyndep bad ki nongkitkam shnong ki la pynsngew paidbah ïa ka jingkiew palat pud ka bai light ha katei ka thaiñ Mawlyndep, hynrei la kren tang ïa ka shnong Mawlyndep kum u rangbah shnong.
Haba kren ha ki lad pathai khubor ha Shillong Press Club la ong u bah Jinu Kharbuki ba dei u Rangbah shnong ula ong haba ki paidbah ki wan ud u la shim ïa ki bill light ba rim bad ba thymmai ban ïanujor, kaba sngewkhia ka long ba mynta ka la kiew syndet kaba la ktah ïa ki paidbah kiba bylla sngi.
Na ka liang jong ka Meghalaya Power Distribution Corporation Limited, ki ong ba dei ki defective meter kaba ki nongkyndong kin tip shano, ha ka jingshisha kito kiba wan khieñ ïa ka bill light ki dei ban pyntip sha ki trai lane ki dei ban ai shithi ban bujli ïa u metter.
U Rangbah shnong la ong ba ka shnong jong ki ka dei tang ha rud ka wah umïam hynrei lip light khah khah, mynshuwa ki don linemen ki don ar ngut bad mynta don sa tang u wei ba shu trei sngi ban peit ïa ki 29 tylli ki shnong, slap ruh lip light, lyer ruh lip light ba tang marwei um lah shuh ban pynbiang.
Na ka liang u rangbah shnong la kyntu ïa ka sorkar ban buh la kumno kumno lai ngut ki briew ki batrei la ki buh ha kano kano ka rukom ruh kumba ki long ha ki por kiba la dep, ha katei ka jaka ki don bun ki jaka pule bad ki Hotel bad kaba ktah eh ka long ïa ki samla pule.
Kumta ka dorbar shnong kim lah shuh ban leit sha ophis namar man ka por ki leit ki bun ki daw kiba ki ai da kumne da kumtai kumta kim ban se ba kin pyntip ïa kane lyngba ki lad pathai khubor ba ki bor sorkar kin tip.
