Shillong, Naitung 19: Ka Kong Hill Sumer na ka shnong Muktapur kaba hap ha West Jaiñtia Hills District ka la ujor sha ki pulit ka Muktapur Police Petrol Post ba u khun jong ka u bah Kwis Sumer u la jah naduh 10/Naitung/2026.
Katkum ka jingujor ejahar ka kmie sha ki pulit ha ka 15/Naitung/2026 ka la thoh ha ka eajahar ba u khun jong ka u mih na ïing ban ïa kynduh ïa u Sanu Lamare ba dei na ka juh ka shnong ba la trei sha Karnataka ba kin ïa leit treilang bad u.
Ka kmie ka la ïathuh ha ki pulit ba ka la ïoh ban kren bad la u khun da ka phone haba la don ha Bangalore ha dien katta kam shym ïoh ban ïa kren shuh bad la u khun, haba phone ka phone ka pah hynrei ym don na shim ïa ka ban jubab.
Na ka liang jong ka kmie ka la ai ïa kane ka jingujor ban wat ha uwei u don bad u number dei 8837474863, na ka liang jong ka kmie ka la batai ruh ïa ka rynïeng rynïot jong khun ban tip bad ban lap ïa u ha ei u don.
