Nongpoh, Naitung 07: 3 ngut ki samla naka shnong Umden Umsaitprah ha ka thaiñ Umroi kila duh noh ïala ka jingim hadien ba kila leit ban tynrah da ka scooty ïa kawei ka trok kaba dang ieng harud surok Shillong By-pass.
Katkum ka jingtip ba la ïoh lum la ong ba kane ka jingjia ka la jia ha ka por kumba 8:30 eiei ha ka janmiet jong ka 6 tarik Naitung ha kaba kitei ki samla kiba shong da ka scooty kila leit ban tynrah beit ïa katei ka trok haduh ba kin da mynsaw jur bad khlad noh syndon na kane ka sla pyrthei.
Hadien katei ka jingjia na ka liang ki pulit ka Khapmara PIC kila leit mar mar sha katei ka jaka ban rah ïa kitei ki samla bad ka jingtohkit halor kane ka jingjia ka dang ïaid shakhmat.
