Shillong, Jylliew 29: Ka National People’s Party (NPP) ha ka sngi Saitjain ka la pdiang burom ïa u nongïalam ka Congress na Shillong West constituency, Bah Gerald Shullai ryngkat ki nongkyrshan jong u ha ka jingïalang kaba la sakhi lang da bun ki nongïalam ba hakhmat jong ka party.
Ha kane ka jingïalang kaba long ha Lamavilla, ïa u Bah Gerald la pdiang burom da ka President jong ka National Peoples’ Woment Front, Kong Grace Kharpuri, nangta u Nongai Ktien ka Party, Bah HM Shangpliang, bad kumjuh u Secretary ba dei peit ïa ka Shillong City, Bah Emlang Lytan nalor kiwei kiwei ki nongïalam kynthup ia u Bah Sonny L Khyriem (Working President jong ka 18th West Shillong NPP Block Executive Committee) ha ryngkat ki Nongialam jong ka NPP jong ka Block, ka Shillong City bad ka State Committee.
Na ka liang u Bah Bah G Shullai u la iathuh ba ka jing wan rung jong u sha ka NPP ka long ban trei borbah ym tang ban pynkhlain ia ka Party NPP hynrei ruh ban ioh iarap lem ia U paidbah ka konstitwensi ha ka eh ka shon bad ban kyntiew lem ia ki paidbah sha ki kyrdan ban ia biang lang kum ki para briew.
La ioh ruh ia ka jing pdiang sngewbha na i Kong June Warbah, ka jingduwai sdang na i Kong Victoria Jyrwa bad ka ka jingduwai pynkut na u Bah Shgain Pamthied,
Lah ban kdew hangne ruh, ba ka jingpynïasoh jong u Bah Gerald sha ka NPP ka dei ha ka por ba ka party ka dang pynkhreh shaid shaid na ka bynta ka elekshon MP shiteng samoi sha Lok Sabha kaba lah ban long shen ha ki khyndiat bnai ban wan.
