Ka jingpyndonkam ïa ka Umphniang kali ba khleh bad ka Ethanol ka dei tang ka jingpyrshang : Dy CM

Shillong, Jylliew 23 : U Symbud Myntri Rangbah ba khmih ïa ka Tnad Trsnport u Ma Sniawbhalang Dhar ha ka sngi Ba-ar ula pynpaw ba ka jingpyndonkam ïa ka umphniang ba khleh bad ka ethanol ka dang dei tang ka “jingpyrshang’ bad ong baka dang kloi palat ban bishar ïa ki jingshah ktah ki kali bad ïa ki trai kali.
U Ma Sniawbha ula ong ba ka Sorkar kan sa bishar ïa ka jingtreikam kane ka umphniang hashuwa ba kan shim ïa ka rai ba khatduh, haba bynrap ba ka dor jong ka umphniang ba khleh ethanol ka kham rit bad ka lah ban ai jingmyntoi bha ïa ki paidbah.
“Ka dang dei tang ka jingpyrshang. ïa mynta, Ngam lah ban ong hooid ne em, la ka dei kaba dei ne ba bakla. To ngin kyrmen, namar man ki sienjam ba thymmai ki donkam ïa ka jingpyrshang. To ngin pyrshang shuwa. Naba ka dor ka dei kaba kham rit, ka dei ban biang na ka bynta ki paidbah. Ngin sa ïakhmih ruh ïa ka na kiwei pat ki bynta. Lada ngi pyndonkam, kiei ki jingktah bad kiei ki plus bad minus poin na ka bynta ki kali” ong u ma Sniawbha.
Ula bynrap ba ka tnad Transport kam pat shym la ïoh pdiang satia ïa kano kano ka jingujor da ka jingthoh na ki trai kali haduh mynta.
“Ngim pat lah ban ong hooid ne em, kaba bha ne ba sniew, hynrei ïa mynta ka ïaid bha. Ym pat don ba ujor” ula ong.