Ha u 2028, yn ym don ki kyrtong ki ban ïakhun pyrshah ïa nga: Bah Sanbor

Shillong, Jylliew 23: U MLA ka 19th South Shillong Constituency u Bah Sanbor Shullai u la pynpaw ba u don ka jingkyrmen ba ha election 2028 kin ym don ki kyrtong ki ban ïakhun pyrshah ïa u.
Ïa lane u Bah Sanbor Shullai u la pynpaw ha ka jingialang ban pdiang sngewbha ïa u Bah Mohendro Rapsang sha ka party BJP, kaba la pynlong mynta ka sngi.
U Bah Sanbor u la ong, “ha ka election 2023 palat 2 hajar vote ki khlem kyrshan ïa Nga, hynrei mynta baroh kila wan ban pyniasoh bad ka BJP ban kyrshan ïa u Bah Sanbor”.
Halor jong kine, Ha ka election ka ban wan ka ban sa long ha u snem 2028 kin ym don shuh ki kyrtong ki ban ïakhun pyrshah ïa nga
Shuh shuh u la ong,”Naduh u snem 1994 ba nga la ïakhun ïa ka election bad haduh mynta nga lah jop haduh khyndai sien kynthih ïa ki election ha ka lynti ïaid jong nga ha ka sain pyrthei”, ong u Bah Sanbor.
Ha kawei pat ka liang u State President jong ka BJP Meghalaya u Rikman Monin ha ka sngi Ba-ar, ula pynpaw katba ka Election Commissioner ka ri India kam pat pynbna ia ka tarik ban pynlong ia ka elekshon ka party kan ym pat shym rai halor u kyrtong na ka bynta ka elekshon shiteng samoi ka Shilong Lok Sabha.
Haba ïa kren bad ki nongthoh khubor hadien ba pynrung dkhot ïa u MLA barim ka West Shillong u Bah Mohendro Rapsang, u Rikman ula ong,”ïa kane ka jingkylli la kylli ïa nga mynta la lai-saw bnai”.
U Rikman ula pyntip ba ka Meghalaya BJP kala pynkhreh hynrei kan ap pat ia ka jingpynbna jong ka ECI.
“Ki nongialam jong ngi na Delhi ki dang ap ïa ka jingpynbna jong ka ECI.Haduh mynta, ka ECI kan dang ban pynbna.Kam don eiei ban kyrkieh.Ngi la nang pynkhreh ïa ki kam kiba dei ban leh” ula ong.
Ka shuki MP ka Shillong Lok Sabha kala lait thylli hadien ka jingkhlad noh u MP Dr Ricky AJ Syngkon ha ka 19 tarik Rymphang mynta u snem.