Batai u Syiem Khynnah ka Hima Khyrim ïa ki samla pule Shillong College halor ka synshar tynrai ki Hima

Shillong, Jylliew 18: Ki samla pule ka Shillong College kiba shah hikai “Internship” ha ka kam thoh khubor ki la ïakynduh ïa u Syiem Khynnah ka Hima Khyrim u Paiem Habapan Singh Syiem ban sngewthuh ïa ka synshar tynrai ha kane ka Hima.
Ha kane ka jingïakynduh na ka liang jong u Syiem khynnah u la batai ïa ki samla pule ba haba sdang ka dei ka Hima Shyllong dei tang ha u snem 1853 ki phareng kila phiah ïa ka hima ha ki ar bynta ka Hima Khyrim bad ka Hima Mylliem bad ka Hima Khyrim ïa ka khet synshar la pynneh ha Smit.
Watba la phiah ïa ka Hima Shyllong ha ki ar tylli ki hima, ka Hima Khyrim, ka la bat ïa ka niam kumba ka long haduh mynta ka hima ka don hynriew tylli ki Raid hapoh kine ki Raid ki don ki shnat Raid ki syiem Raid kumjuh ki rangbah shnong ne ki sordar shnong.
Ha kane ka jingïakynduh la batai ïa ka jingïadei hapdeng ka hima, ki raid, ki syiem raid bad ki dorbar shnong kiba don hapoh ka hima. Ha ka hima ki don ruh kiwei ki jaitbynriew riewlum kum ki Tiwa, bad ki Lalung bad kine ki don ha khappud ka jylla Assam.
Ha kane ka jingïakynduh na ka liang ki khynnah pule ki la ïa buh ruh ïa ki jingkylli ban sngewthuh kham bniah shuh shuh ïa ka synshar tynrai ha ka It ka Hima kiba hap hapoh ka jingpeit jingkhmih jong ka Khasi Hills Autonomous District Council.