Shillong, Jylliew 14: Uwei u pulit CRPF jong ka 120th Bn., CRPF Camp, Mendipathar (NGH), u la phah ka jingujor ba ha ka 7 tarik mynta u bnai, u la ïohpdiang ïa ki khubor na ki briew bym lah ban ithuh haba ïadei bad ka jingshah sei ka pisa ha ki ar jingjia kaba khlem ïoh jingbit kaba la kot kumba T. 95,000/- napoh ka Bank account, jong u kaba khlem da ai jingmynjur jong u.
Shuh shuh u Junior Engineer, PWD (Roads), Ampati Sub Division u la phah ka jingujor ba ha ka 7 tarik mynta u bnai, ki runar bym lah ban ithuh ki la tuh ïa ki iron plate kiba dei trai da ka tnat PWD napoh ka ïing sah jong u. Hynrei ïa kane ka jingjia la ïoh ban ring pat hapoh ka CCTV. Kham hadien ki pulit ki la lap noh ïa kine ki tiar ba la shah tuh napoh ka thaiñ Komen Lake (SWGH).
