Rakhe ka My Bharat Shillong ïa ka WED da ka jingpynlong ïa ka jingthung dieng ha Mawryngkneng

Nongpoh, Jylliew 06: Da ka jingangnud ban pynneh pynsah bad pynjyrngam ïaka mei mariang ka seng samla Bhoirymbong Pyllun hapoh ka jingïalam u Samla Pynshaitbor Nongrum kum u President mynta ka sngi kala rakhe ïaka sngi pynneh bad sumar ïaka mei mariang ne ka World Environment Day haka skul Mynken Christian Higher Secondary School, Bhoirymbong.
Ha kane ka sngi la pynlong ruh ïaka prokram thungdieng bad kumjuh ruh ka prokram ai jinghikai ba kumno kane ka pateng ba mynta ka dei ban sngewthuh ïaka jingdonkam ban pynneh pynsah ïaka mei mariang.
Ha kane ka prokram la wan ruh ban shim bynta kumba 10 tylli ki skul kiba hap haka thaiñ Bhoirymbong Pyllun bad sam ruh ïaki tynrai dieng, haka jingdonlang ki ophisar ka Umroi PIC, nongïalam shnong, ka Lumdaitkhla, bad Lumsohpieng, ki seng longkmie, ki nongïalam ka Dorbar Bhorrymbong Pyllun, Greentech Foundation, RBYF, FKJGP, HITO, Principal ka Mynken Chistian HSS, ki nonghikai, ki khynnah skul bad kiwei kiwei.
Kiba bun ki nongkren ha kane ka sng kila ong ba ka sngi pynneh mariang kam dei ban long tang haka 5 tarik Jylliew hynrei man ka sngi ngi dei ban burom bad ieid ïaka mei mariang bad ki sawdong sawkun jong ka ryngkat ka jngkyntu ïa baroh ba ngi dei ban don ka jingkitkhlieh ban sumar ïaka mariang bad ki jingthaw ba im baroh kumba bun naki ri ka pyrthei mynta ki don hapdeng ka jingïaleh kaba khraw ban ïakhun ïaka jingshit kyrang ka suiñbneng bad kumta donkam ban pynjyrngam biang ïaka mariang.