Tynshaiñ ki nongïalehkai Armwrestling ka MAWA ha ka National C’ship ha Gujarat

SHILLONG, Jylliew 05: Ka kynhun jong ka Meghalaya Arm Wrestling Association (MAWA), ka la lah ba kan sei madan ïa ka jingïalehkai kaba kyrpang ha ka rynsan ïakop jong ka ‘4th PAFI National Armwrestling & Para Armwrestling Championship 2026, da kaba khur haduh 85 tylli ki takma; kynthup ïa 32 tylli ki takma ksiar, 31 tylli ki takma rupa bad 22 tylli ki takma rnong.
Kane ka lympung ka la long ha Rashtriya Raksha University, Gandhinagar, Gujarat, bad ka la sdang naduh ka 29 tarik Jymmang haduh ka 02 tarik Jylliew.
Ka MAWA ka la phah ïa ka kynhun kaba don 104 ngut ki nongïalehkai (50 shynrang bad 54 kynthei) ryngkat bad 10 ngut ki referee bad ki official kiba la synran lang ïa ka kynhun sha katei ka lympung, ha kaba ki la lah ban khur takma ha baroh ki kyrdan, naduh ka Sub-Junior, Junior, Youth, Senior, Masters, Grandmasters bad Para Armwrestling Division.
Napdeng ki nongïalehkai ba kham paw, udei u Jimmison Marwein, uba la khur ar tylli ki takma ksiar da kaba jop ha baroh ki jingïakhun left & right-hand ka Youth Boys 65 kg. Ka Victoria Nongshli ka la paw kum kawei na ki nongïalehkai ba seisoh tam jong ka Meghalaya, da kaba jop takma ksiar bad rupa ha ka kyrdan Junior Girls shuwa ban bynrap sa ka takma rupa ha ka kyrdan Senior Women’s division.
Kiwei pat ki jingjop ba kham kyrpang ki kynthup ïa ar tylli ki takma ksiar ba la khur da ka Margaret Pathaw ha ka Master Women 60 kg, bad ka Olivia Dkhar kaba la ïoh ban khur ïa ka takma ksiar ha baroh ar tylli ki kyrdan ïakhun Youth Girls bad Senior Women.
Ka kynhun ïalehkai Para Armwrestling ruh ka la lah ba kan pyni ïa ka jingïalehkai kaba khlaiñ, da kaba synshar ïa ki katto katne ki kyrdan. Kiba la khur takma ksiar ki kynthup ïa ka Aisilda Thabah, u Banlamjingshai Syiem, u Bantei Warlarpih, u Sinitylutmon Kympat, u Hubert Paliar, u Shanborlang Siangshai, u Alexander Lyngdoh, u Johnkit Maring, bad ka Prisca Pyngrope. Kine baroh ki la ïoh khur arsien ïa ka takma ksiar ha baroh ar ki jingïalehkai left bad right-hand.
Kaba kham kyrpang ka long ba ka Olivia Dkhar, ka la ïoh ban khur ïa ka nam “Champion of Champions” ha ka kyrdan jong ki samla kynthei, kaba la pynpaw shuh shuh ïa ka jingsynshar bad jingjylliew jong ka sap ki nongïalehkai Meghalaya ha ki lympung National Championship.
Kane ka jingjop ka pyni ïa ka jingkiew jong ka jylla ha ka jingïalehkai Arm Wrestling jong ka ri India bad ka jingbteng jong ka thaiñ ban pynroi ïa ki sap ha kylleng ki kyrdan kumjuh ruh ïa ki para Athlete.
Na ka liang jong ka MAWA, ka la ai khublei ïa ka kynhun na ka bynta ka jingaiti lut bad ki jingjop ba radbah jong ki, da kaba pynpaw ka jingsngewskhem ba kine ki jingjop kin ai mynsiem shuh shuh ïa ki samla ïalehkai ha kylleng ka jylla ban shim ïa kane ka jingïalehkai bad ban ïaleh ban long kiba tbit ha ka kyrdan jong ka ri bad ka pyrthei.

Ki nongïalehkai ka Meghalaya kiba la khur takma ki long:
Sub-Junior Girls:
Naphibanroi Mawlong – Bronze (Left Hand, 40 kg)
Da-I-Ne Shisha Makdoh – Bronze (Right Hand, 60 kg)
Dafica Syngkli – Silver (Left Hand, 55 kg)
P. Duphimesara Dkhar – Silver (Right Hand, 55 kg)
Lasiewdor Syiemlieh – Silver (Right Hand, 50 kg)
Junior Boys:
Heipormi Talang – Bronze (Right Hand, 50 kg)
Teinam Warjri – Bronze (Right Hand, 60 kg)
Samuel Nongsiej – Bronze (Right Hand, 55 kg)
Junior Girls:
Victoria Nongshli – Gold (Right Hand) & Silver (Left Hand), 55 kg
Ibankyntiew Pamsad – Gold (Right Hand), 50 kg
Banrihun Lyngdoh – Silver (Right Hand), 55 kg
Rosela Mary Rynjah – Bronze (Left Hand), 55 kg
Nerisa Kharphuli – Silver (Left & Right Hand), 70 kg
Ri-Iaka Kyrsian – Bronze (Left Hand), 50 kg
Youth Boys:
Jimmison Marwein – Gold (Left & Right Hand), 65 kg
Riyan Lyngdoh – Bronze (Left Hand)
Youth Girls:
Olivia Dkhar – Gold (Right Hand) & Silver (Left Hand), 65 kg
Anisha Kyrsian – Silver (Left Hand), 50 kg
Simisha Thabah – Bronze (Left Hand), 60 kg
Monica Syntem – Bronze (Right Hand), 65 kg
Senior Men:
Franky Marboh – Gold (Left Hand), 55 kg
Senior Women:
Victoria Nongshli – Silver (Right Hand), 55 kg
Bandarika Kharkongor – Gold (Left Hand) & Bronze (Right Hand), 60 kg
Airikmenlang Shabong – Silver (Left Hand) & Bronze (Right Hand), 50 kg
Angelis Kharumnuid – Silver (Right Hand), 50 kg
Badalin Kharbangar – Gold (Right Hand), 80 kg
Liza Susngi – Silver (Left Hand), 80 kg
Pyndapbiang Shabong – Bronze (Left Hand), 55 kg
Olivia Dkhar – Gold (Right Hand), 65 kg
Master Men:
Borsis Lyngdoh Nongbri – Silver (Right Hand) & Bronze (Left Hand), 70 kg
Alexshonroy M. Umlong – Silver (Right Hand), 80 kg
Alan Sun Marbaniang – Gold (Right Hand) & Bronze (Left Hand)
Master Women:
Margaret Pathaw – Gold (Left & Right Hand), 60 kg
Melinda Mawlong – Bronze (Left & Right Hand), 60 kg
Grandmaster Men:
Thranghok Dkhar – Bronze (Left Hand), 70 kg
Everson Thangkhiew – Silver (Right Hand) & Bronze (Left Hand), 80 kg
Grandmaster Women:
Mihsngewbha Rymbai – Silver (Left & Right Hand), 80 kg
Starina Jasain – Gold (Right Hand) & Silver (Left Hand), 60 kg
Monica Jasain – Silver (Right Hand) & Bronze (Left Hand), 60 kg
Senior Grandmaster Men:
Draiwell Kurkalang – Bronze (Right Hand), 70 kg
Para Armwrestling:
Aisilda Thabah – 2 Gold (HI Standing Junior Girls 50 kg)
Banlamjingshai Syiem – 2 Gold (HI Standing Junior Boys 55 kg)
Bantei Warlarpih – 2 Gold (HI Standing Junior Boys 65+ kg)
Noveniusroiky Dkhar – 2 Silver (HI Standing Junior Boys 65+ kg)
Sinitylutmon Kympat – 2 Gold (HI Standing Women 70 kg)
Miriam Thangkhiew – 2 Silver (HI Standing Women 70 kg)
Hubert Paliar – 2 Gold (HI Standing Men 60 kg)
Shanborlang Siangshai – 2 Gold (HI Standing Men 70 kg)
Alexander Lyngdoh – 2 Gold Medals (HI Standing Men 80 kg)
Maimai Laloo – 2 Silver (HI Standing Men 80 kg)
Johnkit Maring – 2 Gold (HI Standing Men 90 kg)
Kennedy Lyngdoh Mawphlang – Bronze (Left Hand, PIU Standing Junior Boys 55 kg)
Banshanlang Terang – 2 Silver (PIU Standing Men 60 kg)
Prisca Pyngrope – 2 Gold (PID Sitting Women 55 kg)
Anjelina Tynhiang – 2 Silver (PID Sitting Women 55 kg)
Graham Jones Kharnarbi – Gold (Left Hand) & Silver (Right Hand), CPD Sitting Men 60 kg