Shillong, Jymmang 25 : U SP ka East Khasi Hills u bah Vivek Syiem mynta ka Lah Sngi U Blei ula ong ba ki pulit ki dang ap ïa ka kaiphod post mortem bad forensic halor ka jingiap u samla ha Pynter namar kumba long mynta ym pat lah ban ong la u iap na kiwei ki daw na na ka jingshah bom shah tied kumba la kynnoh da u kpa.
“ Hadien ba la khlong ïa ka met ïa ka post mortem la pyndep ha katei ka jaka bad yn sa shai bha ynda la ïoh ïa ka kaiphod na ka post mortem bad forensic” ong u SP
Halor ka jingkylli hato ka dei ba u iap na ka jingshah bom shah shoh ha u Rangbah Shnong bad ki VDP, u SP u la ong ba ïa mynta ym pat lah ban ïathuh tad haduh ynda ïoh pdiang ïa ka kaiphod.
Lada ka jingiap na ka jingshah bom shah tied ki pulit kin sa ujor sha ka ïing bishar ban pyndam noh ïa ka jingpan jamin lypa u Rangbah Shnong bad ki VDP.
