SSA U-20 Fourth Division 2026: Jop ka Nongkseh Utd; ïakhaid ka Mawnianglah Youth bad ka Laitkroh

Shillong, Jymmang 24: Ka Nongkseh United FC ka la lah ba kan pynliem ïa ka Laitkroh SC da 2-0 ha kawei naki jingïalehkai jong ka Shillong Sports Association U-20 Fourth Division 2026 kaba la long ha ka sngi Saitjaiñ.
Baroh ar tylli ki kol la thep da u Samphrangshai Rani (42′, 75′).
Ha kawei pat ka jingïalehkai ka Mawnianglah Youth SC ka la ïakhaid mar 2-2 bad ka Laitkroh SC.
Baroh ar tylli ki kol jong ka Laitkroh SC la thep da u Rosario Kharkongor (7 & 52’) katba ka Mawnianglah Youth SC ka la pynkhihjar lyngba u Reubenson Kharkongor (2’) bad u Eborlang Kharkongor (80+2’).
Kin don ar tylli ki jingïalehkai ha kane ka sngi Nyngkong, bad baroh kin dei jong ka Group E, ha ka por 1 baje mynsngi ka Umiew kan aireng pyrshah ïa ka Summit Academy, nangta ha ka por 4 baje nohphai sngi ka Sei La Sap kan ïakhun pyrshah ïa ka Diengpasoh. Baroh kin long ha MFA Ground.