Da ka jingïaid kjat ïashimbynta ki nongwankai suwari sha ki bynta ka shnong Samanong

Jowai, Jymmang 20 : Ka Shnong Samanong West Jaiñtia Hills District haka jingthmu ban kyntiew ïa ka kam jngohkai pyrthei lyngba ka Regeneration Meghalaya Project bad ban pynïasoh lang ïa ka rep ka riang bad ka jingpynpaw pyrthei ïa ka jingriewspah jong ka mariang bad ka riti dustur ka thaiñ.
Ha kane ka sngi saitjait kala pynlong ïa ka jingïaid kjat kaba 6.5 kilomitar da kaba ïaid lyngba ki lum ki wah, ki khlaw ki btab ba itynnad kiba ker sawdong ïa ka Shnong Samanong. Kane ka jingïaid kjat kaba shim por kumba lai kynta shiteng, ha kaba la wan ban shimbyta lang da ki nongwan jngohkai kiba nabar nalor kiwei de.
Kaba pynsah jingkynmaw ha kane ka jingïaidkjat ka long yn da kila poi poi ha kawei ka lum kaba itynnad la ïohi ïaka wah Umngot, kaba ker bad pynïakhlad ïa ka East Khasi Hills bad ka West Jaiñtia Hills.
Ïa kane ka jingleit lynti la pynkut da kaba leit jngoh ïa kawei ka krem ba la thaw da ka mariang, kaba long ruh kum ka tyllong um na ka bynta ki paidbah.
Ïa kitei ki nongïaidkjat la pdiang sngewbha da ki nongshong shnong bad pynbiang ruh ïa ki da ki jingbam tynrai kiba bun jait napoh katei hi ka thaiñ.
Ha ka juh ka por ki nongshong shnong ka Samanong ki khot sngewbha ïa ki nongleit jingleit, ki riewïeit mariang bad nongjngoh kai pyrthei ba kin wan shapoh ka shnong ban sakhi ïa ka jingitynnai ka mariang bad wan mad ïa ki jingbam ba bang bad kiba shngiam.
Na ka bynta ki jingtip ba kham bniah lane ban shimwai ïa ki jingdonkam, la kyntu ïa ki nongwan jngohkai ba kin phone sha ka Samanong Agritourism Community Initiative: 76289 46254 & 9863495585.