Pynïasoh bun ki nongïalam na ka seng Congress bad UDP sha ka NPP ha Nongpoh

Nongpoh, Jymmang 20: Ki heh nongïalam ka NPP ka jylla bad kumjuh na Ri-Bhoi District naduh u Ma Sniawbhalang Dhar National Vice President ka NPP ba dei ruh u Symbud Myntri Rangbah ka jylla, u Dr C Lyngdoh MLA ka Umsning, ka Kong Rona Khyndeit MDC ka Nongpoh, u Bah Hemletson Dohling Working President ka NPP, nalor kiwei kiwei mynta ka sngi kila hiar sha Iew Nongpoh ban pdiang sngewburom ïa bun ki nongkyrshan ba radbah na ka seng Congress, UDP bad kiwei kiwei ki seng sain hima haka jingïalang pynshai paidbah bad ban pan ka jingkyrshan naka bynta u kyrtong ka NPP u Dr DRL Nonglait ha kane ka elekshon shiteng samoi ban wan sha ka iing dorbar thawaiñ ka ri.
Naka liang ka kong Rona Khymdeit kum ka MDC ka Nongpoh kala pynbna ruh ba kitei kiba wan pynïasoh sha ka NPP ki dei tang kiba hakhmat shuwa namar ki dang bun ki ban sa wan kham hadien.
Haba kren ha kane ka sngi hadien ka jingpdiang burom naka liang u Ma Sniawbhalang Dhar bad kiwei kiwei ki nongïalam kila ong ba ka NPP kala lehbha shaba palar ha Nongpoh Constituency kaba dei ka constituency jong u nongmihkhmat ka UDP khamtam ka jingurlong ka surok Nongpoh Umden Sonpur, ki madan ïalehkai kiba paka kiba dang ïaid shaid shaid mynta bad haka jingsynshar ka NPP ïaka jylla ka Ri-Bhoi District haba kheiñ kyllum kala iohmad shibun ki kam pynroi khamtam ki surok bad ki lynti ki syngkien.
Naka liang ka kong Rona Khymdeit kum ka MDC ka Nongpoh kala ai ka jingïaroh ïaka sorkar MDA kaba la wanrah shibun ki kam pynroi ha Nongpoh Constituency bad kiwei kiwei ki constituency bapher bapher ka jylla.
Kala ong ba mynshuwa ngi iaid kumba 1 kynta shiteng ban poi sha Umden hynrei mynta aram jai bad suk ka leit ka wan, namar bala jlih bad u surok Nongpoh Umden u dei u ba ki paidbah kila ap khmih lynti la slem bha hynrei mynta baroh ka jingangnud bad jingphohsniew jong ki paidbah kala urlong, kata ka dei ka sorkar MDA bala lam khmat da ka NPP hynrei bunsien ki paidbah ki klet ban ong tang khublei shibun halor kane ka kam babha ba ka sorkar kala leh naka bynta ki paidbah.
Kumta halor kitei ki kam ba ka sorkar MDA kala leh naka liang kitei ki nongïalam kila pan ka jingkyrshan ba radbah naki paidbah ban ai ka jingkyrshan ba pura ïa u Dr DRL Nonglait kyrtong ka NPP ha kane ka elekshon shiteng samoi ban wan ba kan long ka jingmyntoi bad ka jingkyrkhu ïaka jylla baroh kawei.