Shillong, Jymmang 17: U Samphrang Rani u la pynkhihjar saw sien ha ka jingjop jong ka Nongkseh United FC da 5-0 kol pyrshah ïa ka Mawshbuit SC ha ka jingïalehkai jong ka Group D ha ka lympung U-20 Fourth Division Football League 2026, ba la pynïaid da ka Shillong Sports Association, ha ka sngi Saitjaiñ.
Ha kane ka jingïalehkai kaba la long ha madan MFA, dei u Wanshailang Lyngdoh uba la pynkhihjar nyngkong na ka bynta ka Nongkseh United ha ka minit kaba 19 shuwa ba u Samphrang un thep saw tylli ki kol ha ka 23, 30, 46 bad 76 minit.
Kin don ar tylli ki jingïalehkai ha kane ka sngi Nyngkong. Baroh ar kin don jong ki kynhun ka Group F, ha kaba ka Gorkha Association kan aireng ïa ka Iateilang SC ha ka por 1 baje mynsngi, nangta bud sa ka jingïalehkai hapdeng ka Laitlyngkot pyrshah ïa ka Iatylli SCC, ha ka por 4 baje janmiet. Baroh ar kin long ha MFA Ground.
