Khliehriat jymmang 14: Ki pulit jong ka Umkiang Patrlling Post East Jaiñtia Hills District hynnin ka step synia jong ka 13 tarik u jymmang ki la pynlong ïa ka jingpynap ktem ïa kawei ka kali kaba thmu ban leit sha Silchar 2 kilo bad ki pulit ki la ioh khang kdong ïa ka kali kaba don u registration number AS-10-A-5916 kaba la kit ïa ki tiar pynbthei, explosive detonator.
Ha ka jingkhynrai, ki pulit ki la lap ïa kitei ki tiar pynbthei (explosive detonator) ba don haduh 30,000 (laiphew hajar tylli) ha kaba ia kine ki tiar pynbthei la thep bha hapoh ki ar tylli ki synduk kot bad ha pla byrni bad ong ba ki la pyrshang bad khaïi beaiñ ïa kine ki tiar pynbthei, ha kaba ïadei bad kane ka jingpyrshang khaïi beaiñ ïa ki tiar pynbthei.
Ki pulit ki la kem noh ar ngut ki briew kiba suba donkti kiba la tip kyrteng kum u Kamrul Ali Laskar, uba nanka shnong Jamalpur, Cachar Assam bad uwei pat u Ibrahim Uddin Laskar uba na ka shnong Laknathpur, Cachar Assam.
Ki pulit ki la buh da ka ejahar ha Lumshnong Police Station, case No. 25(05) 2026 bad la register ïa ka ejahar hapoh ki kyndon aiñ 61(2) jong ka BNS R/W Sec.5 jong ka explosive Substances Act bad ka jingtohkit ka dang iaid bad lap shuh shuh ïa kiba donkti ha kaba pyrshang ban khaïi beaiñ ïa ki tiar pynbthei.
