Shillong, Jymmang 03: Ka seng samla pule KSU kaba don ha Bengaluru ka buh ka jingkylli ba balei ka sorkar Meghalaya ka pynslem ban phah maranot ïa ka Meghalaya House kaba la dep ban thied ha u bnai Jylliew ha u snem 2025 mynta la shi snem khlem phah maramot ïa kane ka ïing.
U Samla Donboklang Nongphud la ong ba kum ka seng ka kwah ban ïohi ba ka sorkar kan pynbha noh ïa kane ka ïing kaba la dep ban thied khnang ban dup ïoh pyndon kam ïa ka na ka bynta ka jingmyntoi ki briew ka jylla kiba don ha katei ka nongbah.
La ïathuh ba naduh ba ka sorkar ka la dep ban thied ïa kane ka ïing ha u snem Jylliew ha u snem 2025 haduh mynta la jan dap shisnem ka sorkar kam shym leh eiei ban pynbha ïa ka, ka KSU ka kwah ban ïohi ba ka sorkar ka dei ban pynbha noh ban ïoh pyndonkam.
Ka jingdawa jong ka seng KSU ban don ia ka Meghalaya House ka dei kaba la slem bha bad ïa kane ka jingdawa la lah ban pynurlong ha kane ka sorkar kaba mynta ha kaba ka la thied ïa ka ïing kaba la don lypa bad kaei kaba ki kwah ka long ba ka sorkar kan pynbha noh ban ïoh pyndonkam na ka bynta ka jingmyntoi ki paidbah kane ka jylla kiba don da ki hajar ngut ha katei ka nongbah.
